E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot, në Shqipëri, 6 shtetasit e kapu...

A është fals dokumenti i paraqitur nga avokati i Saimir Tahirit?!

13 Dhjetor 2017, 21:09, Aktualitet CNA

Çështja Tahiri është rikthyer sërish në debatet televizive, pas të dhënave të reja të publikuara në media të ndryshme për këtë çështje.

Dokumenti i paraqitur nga mbrojta e ish-ministrit të Brendshëm, Saimir Tahiri, që sipas avokatit kryesor të çështjes, Izet Haxhia, është marrë në Sekretari për konsum politik dhe jo për dokument zyrtar, mban dy vula dhe një nënshkrim. Ai nuk ka një numër protkolli, por as edhe një emër të personit që ka nënshkruar në të, ku sipas të cilit rezulton se Saimir Tahiri nuk është nën hetim në Itali.

Ky dokument i bërë publik në fillesat e kësaj çështjeje, nuk përmban as barkodin e as stemën e Prokurorisë së Republikës.

Nga ana tjetër, kemi një dokument të siguruar nga gazetarët e Top chanel, i cili mban numër protokolli, mban një barkod që vërteton dokumentin, firmën dhe emrin e personit që e ka lëshuar, si dhe stemën e Prokurorisë së Republikës.

Nga këto dy realitete në media është ngritur pyetja nëse dokumenti i paraqitur nga mbrojtja e ish-ministrit të Brendshëm Saimir Tahiri, është apo jo origjina, apo është një dokument i falsifikuar.

Në lidhje me këtë, ka reaguar avokati kryesor i ish-ministrit Tahiri, i cili u shpreh se dokumenti është marrë nga Sekretaria e Prokurorisë së Katanias, është origjinal dhe është marrë për konsum politik.

?Ka dy mënyra sesi tërhiqet një letër. Letra juaj (Top Channel) është marrë nga titullari i institucionit, kurse letra jonë është marrë nga sekretaria e institucionit. Kur merret nga titullari është ndryshe, kurse ky i yni ishte një dokument i marrë në Sekretarinë e Prokurorisë së Katanias?, u shpreh Haxhia, ndërsa shtoi se nuk është një dokument që mund tu drejtohet institucioneve.

Tashmë ngelet për tu parë nëse dokumenti i paraqitur nga avokatët e Tahirit, është apo jo i falsifikuar, ndërsa sot gazetari investigativ Artan hoxha tha se Saimir Tahiri është marrë nën hetim në Katania më 27 tetor. /CityNews

Artan Hoxha hedh “bombën”/ Prokuroria italiane ka filluar hetimet për Saimir Tahirin