web counter
LEXO PA REKLAMA!

SHKARKO APP

App Store
Google Play

Kush është i riu që u shpëtoi breshërisë së plumbave

11 Dhjetor 2017, 20:20, Aktualitet CNA

Një i ri 29-vjeçar i ka shpëtuar një atentati me armë në Bulqizë mbrëmjen e sotme.

Sipas të dhënave të publikuar nga policia, i riu ndaj të cilit u bë atentati, është shtetasi Fadil Tërnova nga fshati fshati Peladhi i Bulqizës, por që fatmirësisht ka shpëtuar nga plumbat dhe është larguar me shpejtësi nga vendi i ngjarjes.

Sipas të njëjtave burime, mësohet se Tërnova mbart rekorde të theksuara kriminale dhe penale. Në vitin 2011 ai është akuzuar për tentativë vrasje, ndërsa në 2013 është i arrestuar si i dyshuar për vrasjen e shtetasit Sh.Sh në Bulqizë. Por në vitin 2016, gjykata e ka liruar me shërbim prove.

Në njoftimin e policisë thuhet:

“Rreth orës 18.30, në sallën operative të Komisariatit ka mbërritur një telefonatë se në fshatin Peladhi-Bulqizë janë dëgjuar të shtëna armësh.

Menjëherë janë nisur drejt vendit të ngjarjes forca të shumta policore dhe grupi hetimor, ku kanë konstatuar se në rrugën që lidh fshatin Godvi me fshatin Peladhi, është qëlluar me armë zjarri në drejtim të automjetit Land Rover me targa AA 489 RA, që drejtohej nga shtetasi F.T, 29 vjeç, banues në fshatin Peladhi.

Drejtuesi i automjetit nuk ka ndaluar, por është larguar nga rruga që lidh fshatin Godvi me fshatin Peladhi, rreth 500 metra nga vendi i ngjarjes e më pas ka lënë automjetin në anë të rrugës, dhe ka njoftuar Policinë.

Nga të shtënat drejtuesi i automjetit nuk ka marrë asnjë lëndim. Mësohet se drejtuesi i automjetit lëvizte i vetëm me makinën e tij.

Në vendin e ngjarjes janë sekuestruar disa gëzhoja, ndërsa nga kqyrja paraprake e automjetit janë dalluar dy shenja plumbi.

Forca të shumta policore të mbështetura dhe nga forcat e policisë së Drejtorisë Vendore Dibër, kanë ngritur pika të shumta kontrolli, po krehin zonën për identifikimin dhe kapjen e autorit/ëve.

Në lidhje me këtë ngjarje po hetohet intensivisht, pasi personi i dëmtuar mbart rekorde të theksuara kriminale dhe penale.” /CityNews





Lajmet e fundit nga