web counter
LEXO PA REKLAMA!

SHKARKO APP

App Store
Google Play

Deputetit i PD: Edi Rama po na fton për pazar për Kryeprokurorin

11 Dhjetor 2017, 20:27, Aktualitet CNA

Kryetari i grupit parlamentar të Partisë Demokratike, Edmond Spaho, i pranishëm në studion e emisionit “5 pyetjet nga Babaramo”, ka komentuar aktualitetin politik, dhe debatin për zgjedhjen e kryeprokurorit.

Sipas Spahos, ftesa e kryeministrit Edi Rama për të bashkëpunuar për zgjedhjen e Kryeprokurorit të përkohshëm, është një ftesë për pazar.

?Ftesa është e gabuar që në princip, pasi nuk mund të ftosh opozitën për të zgjedhur Kryeprokurorin e përkohshëm kur prej dy vitesh po bëjmë Reformën në Drejtësi. I kemi hyrë një procesi Vettingu, ku askush nuk mund të emërohet pa kaluar procesin dhe befash në një ditë të bukur, kryeministri të fton ta zgjedhim jashtë të gjitha kritereve që kemi përcaktuar në thyerje të kushtetutës si një pazar mes dy palëve.

Pse duhet ta zgjedhim me pazare kryeprokurorin e ri dhe prandaj bëmë Reformën në Drejtësi. Ne prej kohësh kemi artikuluar qëndrimin tonë që Rama përmes Reformës në Drejtësi kërkon ta kapë dhe ta përdorë për qëllimet e tij dhe faktet po e tregojnë. Pengesat nuk kanë filluar apo devijimet se për cfarë ramë dakord, nuk fillojnë këtu, por që me krijimin e KED dhe KLP. Këtu është zanafilla e këtyre pengesave. KLP nuk është krijuar me qëllim, mungon kandidati nga Shoqëria Civile.

Këtë proces nuk e kontrollon avokati i Popullit, dalin nga Shoqëria Civile, që protestonte në korrik të 2016 për të filluar Reforma në Drejtësi një orë e më parë, por ende nuk ka paraqitur një kandidat. Bllokim. Procesi për KLP është hapur edhe njëherë dhe janë 5 kandidatura?, – tha ndër të tjera Spaho. /CityNews





Lajmet e fundit nga