web counter
LEXO PA REKLAMA!

SHKARKO APP

App Store
Google Play

Pastrimi i parave/ Dhjetëra emra nën vëzhgim

10 Dhjetor 2017, 10:18, Aktualitet CNA

Drejtoria e Pastrimit të Parave ka publikuar, në faqen e saj në internet, raportin vjetor për 2016, ku theksohet se pjesa më e madhe e parave të pista dalin jashtë vendit.

Deri më sot janë identifikuar dhjetëra transaksione dhe llogari të dyshimta për të cilat DPPPP ka vënë në dijeni ILDKP dhe ka hartuar raportet përkatëse.

Gjatë vitit 2016 ka pasur 619 raportime nga banka të nivelit të dytë të cilat kanë raportuar për shuma të mëdha parash. Më pas vijnë shoqëritë e transfertave. Prej tyre ka pasur 209 denoncime. Edhe në këtë rast ka pasur transferta jashtë vendit. Një tjetër teknikë që përdoret për pastrimin e parave është nxjerrja e tyre në mënyrë tokësore. Vetë Doganat kanë denoncuar 47 raste, ku individë të caktuar kanë kaluar me para të shumta me vete. Por teknika tjetër më efikase është investimi i parave në pasuri të patundshme.

Vetë Hipoteka ka evidentuar gjatë vitit 2016 plot 134 raste të dyshimta. Por sipas raportit të siguruar nga gazeta ?Sot?, ata që kanë rolin më të madh në pastrimin e parave janë noterët. Ata kanë denoncuar plot 205 raste, kur individë të caktuar kanë nënshkruar akte noteriale, dhurimi, kalimi pronësie apo llogari bankare me vlera shumë të mëdha.

Mirëpo në dokument deklarohet se ka dhe mjaft raste të tjera që noterët nuk raportojnë pranë DPPPP. Po ashtu raste të tjera ku pastrohen paratë janë shoqëritë e automjeteve. Sipas raportit, ka pasur 35 raste denoncimesh nga këto shoqëri për raste të dyshimta nga individë të caktuar. Në fund vijnë shoqëritë e leasking dhe ato të pagesave elektronike. Pra gjatë vitit 2016 janë shënuar 1.300 raste të dyshimta të pastrimit të parave, periudhë kur nisi Vetingu.





Lajmet e fundit nga