E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rruga Elbasan-Tiranë do vijojë të jetë e bllokuar për disa ditë

9 Dhjetor 2017, 16:48, Aktualitet CNA

Zhbllokimi i aksit rrugor Elbasan-Tiranë duket së do të kërkojë disa ditë kohë jo vetëm për heqjen e masivit të madh të gurëve të rënë por edhe për sigurimin e skarpateve për tu garantuar që rrugaq nuk do të jetë një rrezik për drejtuesit e mjeteve.

Në një lidhje telefonike për Ora News, drejtori i Autoritetit Rrugor Shqiptar Afrim Qendro tha se ndërhyrja po vështirësohet edhe nga reshjet.

Në këtë mënyrë qytetarët që udhëtojnë nga Elbasani në Tiranë do të duhet të përdorin rrugën e vjetër nga Qafë Krraba ose nëpërmjet by-passit të Rrogozhinës.

?Është bërë sigurimi me sinjalistikë të plotë për kalimin nga Tirana në Elbasan. Që në orët e para të mëngjesit kemi qenë bashkë me firmën e mirëmbajtjes dhe specialistë, jemi duke bërë një analizë se ku do të ndërhyhet, heqja e gurëve, sigurimi i ndalesës nga Elbasani për në Tiranë. Është një masiv shumë i madh që ka bllokuar pothuajse të gjithë njësinë e rrugës, është një situatë e cila do kujdes. Besoj që do të na kërkojë disa ditë.Nuk është vetëm heqja e masivëve të mëdha të gurëve që kanë rënë por janë dhe masat që do të merren pas heqjes së tyre për të siguruar që skarpata do të jetë në rregull dhe të mos kemi më rënie gurësh dhe trafiku të jetë normal dhe të mos cënohet jeta e përdoruesve të rrugës?, ka thënë Qendro.

Ndërhyrja, sipas Qendros po vështirësohet nga reshjet.

?Pothuajse gjatë gjithë ditës ka pasur reshje, është situatë goxha e vështirë. I kemi të përqëndruar të gjitha mjetet e nevojshme. Po presim. Nesër që në orët e para të mëngjesit përsëri do të fillojmë të punojmë, është goxha e vështirë por e rëndëishme është që të kemi të siguruar lëvizjen e mjeteve. U kërkojmë ndjesë qytetarëve që udhëtojnë nga Elbasani drejt Tiranës. Duhet të përdorin rrugën e vjetër nga Qafë Krraba ose nëpërmjet by-passit të Rrogozhinës, këto lloj situatësh në rrugë kërkojnë pak durim. Jemi të angazhuar për ti dhënë një zgjidhje sa më të shpejtë situates?, ka thënë ai.