web counter
LEXO PA REKLAMA!

SHKARKO APP

App Store
Google Play

Dule akuza Kryeministrit: S’ka vullnet politik për të mbrojtur pakicat kombëtare

9 Dhjetor 2017, 15:19, Aktualitet CNA

Vangjel Dule akuzon kreun e qeverisë se nuk ka vullnet politik për të mbrojtur pakicat kombëtare.

Nga një tryezë ku u atakua ligji për mbrojtjen e pakicave i miratuar vetëm një muaj më parë nga shumica në pushtet, kreu i PBDNJ-së tha se ai ligj nuk zgjidh problemin e kombësisë, një term që Gjykata Kushtetuese e ka shfuqizuar.

“De facto privuan qytetarët në regjistrimin e përgjithshëm të popullsisë nga e drejta e vetëdeklarimit, ka thënë Dule.

Bashkë me kreun e PBDNJ-së, është bërë dhe partia e minoritetit etnik grek për të ardhmen MEGA, e cila nuk kurseu as pozitën dhe as opozitën, si forca të unifikuara për të mos respektuar të drejtat e minoriteteve.

Sipas Dules, ky ligj nuk mund të konsiderohet i denjë për të shprehur të plotë kuadrin e të drejtave dhe mbi të gjitha nuk i jep garancitë e duhura minoriteteve që ti gëzojnë dhe ti lëvrojnë ato ashtu siç e kërkojnë aktet ndërkombëtare për minoritetet etnike.

Ligji i miratuar në parlament është në kundërshtim me nenin tre të konventës në kuadër të Këshillit të Europës, e cila është ratifikuar nga parlamenti ynë.

Sipas Konventës, çdo person që i përket një pakice kombëtare do të ketë të drejtën që të zgjedhë lirisht për tu trajtuar apo jo si i tillë./Ora News

 





Lajmet e fundit nga