web counter
LEXO PA REKLAMA!

SHKARKO APP

App Store
Google Play

E fundit!

x

Klandestinët shqiptarë problem për autoritetet angleze, franceze dhe spanjolle

9 Dhjetor 2017, 13:56, Aktualitet CNA

Bandat e strukturuara kriminale shqiptare po shndërrohen në një rrezik të shtuar për autoritetet ligjzbatuese të vendeve të ndryshme europiane.

Tashmë e ashtuquajtura rruga spanjolle për të dërguar në Angli klandestinë, drogë dhe me raste armë, municione e lëndë plasëse nuk është më përjashtim, por rutinë.

Në portin spanjoll të Bilbaos bandat e strukturuara kriminale kanë akses të plotë. Anglezët, që përballen me fluks klandestinësh shqiptarë dhe jo vetëm nga ky port spanjoll, janë të detyruar të marrin masa drastike.

Kështu në Portin Poole, policia angleze ndaloi 4 klandestinë shqiptarë të ardhur me një anije traget tip Ro-Ro nga Bilbao.

Njëri prej tyre u iku nëpër duar policëve anglezë. Për të kapur shqiptarin e arratisur krahas policëve me makina e motorçikleta u përdor për kërkim edhe një helikopter policie, por pa arritur asnjë rezultat.

Në portin francez të Diepës krahas xhandarmërisë franceze janë angazhuar edhe 007-tat e DGSE-së, për të neutralizuar veprimtarinë e bandave kriminale shqiptare.

Këto banda tashmë nuk dërgojnë drejt Anglisë vetëm hallexhinj shqiptarë, por edhe lloj-lloj klandestinësh të tjerë kryesisht nga Afrika veriore dhe ajo Subsahariane.

Ka dyshime të forta nga inteligjenca franceze, që në rradhët e klandestinëve të tillë të ketë edhe elementë të radikalizuar islamikë. Vetëm në sajë të ndihmës kundrejt pagesës, që ofron krimi i organizuar shqiptar të tillë klandestinë dhe radikalë kanë një shans të mirë për të mbërritur në portet angleze përtej Ngushticës së La Manshit.

Pikërisht për të neutralizuar një kërcënim të tillë polica britanike po bashkëpunon ngushtësisht me xhandarmërinë franceze në kuadër të Operacionit ?Trnasmanche? /Gjergj Thanasi

http://www.bournemouthecho.co.uk/Neës/15708184.Four_illegal_migrants_found_in_trailers_at_port/

https://france3-regions.francetvinfo.fr/normandie/seine-maritime/dieppe/transmanche-dieppe-newhaven-angleterre-paiera-travaux-contre-intrusion-migrants-1380873.html





Lajmet e fundit nga