E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Afera e Bashës me një milionë dollarë/ Ekspertët dyshojnë në vullnetin e Prokurorisë

9 Dhjetor 2017, 12:52, Aktualitet CNA

Prokuroria e Tiranës ka hapur një hetim për PD-në, pas publikimit të kontratave të saj të lobimit në SHBA, që nuk janë raportuar në KQZ.

Nisma e Prokurorisë së Tiranës erdhi pas një denoncimi të rrjetit investigativ në Shqipëri? Birn?.

Në denoncim u publikuan një seri pagesash për kontrata lobimi të raportuara në Departamentin e Drejtësisë në SHBA. Seria e pagesave nga PD për kontrata lobimi, hidhnin dyshime mbi transparencën dhe integritetin e raporteve të saj financiare.

Javën e kaluar Prokuroria nëpërmjet një njoftimi për shtyp tha se ka nisur një procedim penal kundër këtij subjekti politik.

Vendimi i Prokurorisë përbën rastin e parë në historinë e Shqipërisë ku financat e një partie politike do të hetohen nga organi i akuzës, pas dyshimeve se ka bërë deklarime të rreme.

Por, edhe pse vendimi i Prokurorisë për të hapur një hetim kryesisht duket një hap në drejtimin e duhur për të hedhur dritë mbi botën e errët të financimit të partive, ekspertët mbeten skeptikë ndaj organit të akuzës në Shqipëri dhe ndikimit që politika ka mbi të.

Ekspertët shtojnë se paratë e pista, madje edhe nga burime kriminale, kanë qenë dhe janë prezente në fushatat elektorale shqiptare.

Ekspertët e shoqërisë civile shprehin dyshim nëse hetimi në këtë rast do të sjellë rezultat.

Afrim Krasniqi, drejtori i ekzekutiv i Institutit të Studimeve Politike tha për BIRN se në karrierën e tij nuk dinte një rast në Shqipëri që të jetë ndëshkuar një forcë politike apo politikan për fshehje të shpenzimeve në fushatën elektrorale.

Sipas Krasniqit, një hetim i tillë nis vetëm pasi çështja merr përmasat e akuzave politike.

Edhe Arjan Dyrmishi, ekspert i Sigurisë pranë Institutit për Demokraci dhe Ndërmjetësim në Tiranë e sheh gjithashtu me dyshim mundësinë e zbardhjes së të vërtetës nga ky hetim.

Dyrmishi tha për BIRN se : Legjislacioni i ndryshuar para zgjedhjeve të vitit 2017 ka pësuar përmirësime, por sërish janë partitë ato që bëhen pengesë për zbatimin e tij.

?Pas dorëzimit të raporteve financiare të fushatës nga partitë politike, KQZ kryen auditimin, dhe në rast se konstatohen parregullsi mund të përfshihen institucionet ?si KLSH apo Drejtoria e Parandalimit të Pastrimit të Parave.Megjithatë, problemi më i madh ngelet zbatimi i paanshëm i legjislacionit për shkak të ndikimit politik mbi këto institucione,? shtoi ai.

Megjithë pikëpyetjet mbi hetimin e nisur, Dyrmishi dhe Krasniqi shprehen se edhe në zgjedhjet e fundit parlamentare, njësoj si në zgjedhjet e mëparshme, partitë politike kanë shpenzuar shuma shumë të larta në krahasim me ato që kanë deklaruar zyrtarisht.

?Eksperti Afrim Krasniqi shkoi edhe më tej duke deklaruar se: Ka me qindra fakte se partitë financohen nga para me burim kriminal dhe nga burime informale, natyrisht të fituara jashtë sistemit dhe të padeklaruara në sistemin e tatimeve apo të deklarimit të të ardhurave nga individët, partitë apo subjektet sponsorizuese,? tha Krasniqi, në tre zgjedhjet e fundit, shumat e financimit kanë qenë aq të mëdha sa i kanë bërë të papërfillshme nevojat që partitë të financohen nga kuotat e anëtarësisë apo buxheti shtetëror për partite

Arjan Dyrmishi e shikon financimin e partive si pjesë të binomit politikë-biznes, ku sipas tij fshihet interesi i fitimit të mëvonshëm në tendera apo punë të tjera publike.

?Ajo që nuk përjashtohet është që biznese të cilat kryejnë edhe veprimtari kriminale krahas biznesit të ligjshëm, financojnë partitë politike me qëllim që të sigurojnë mbështetjen e tyre duke mundësuar edhe pastrimin e parave?, përfundoi Dyrmishi.

Më 14 nëntor në Departamentin amerikan të Drejtësisë nga kompania ?Stonington Strategies?, ku deklaron se ka marrë dy pagesa nga Partia Demokratike me vlerë totale 525 mijë USD dhe një pagesë të tretë nga ?Biniatta Trade LP?-një kompani guackë e regjistruar në Skoci në vlerën e 150 mijë USD.

Kontrata e PD-së me ?Stonington Strategies? është raportuar në Departamentin e Drejtësisë në SHBA që në muajin mars, ndërsa kontrata me ?Biniatta Trade LP? është mbajtur e fshehur për disa muaj dhe është raportuar në mesin e muajit nëntor.

Asnjëra prej këtyre pagesave nuk rezulton në raportin financiar që PD ka dorëzuar në KQZ për fushatën zgjedhore 2017, çka ngre pikëpyetje serioze për origjinën e parave.

I publikuar në faqen zyrtare të KQZ, raporti financiar i PD pasqyron vetëm pagesat për dy kontrata lobimi me kompaninë tjetër të lobimit ?Barnes and Thornburg LLP? në vlerën e 12 585 000 lekëve.

Në një deklaratë publike PD i ka përshkruara kontratat e saj të lobimit si legjitime dhe të audituara dhe kontrolluara nga qeveria amerikane.