web counter
LEXO PA REKLAMA!

SHKARKO APP

App Store
Google Play

Anëtari i Komisionit të ligjeve flet për Prokurorin e Përgjithshëm dhe KED  

9 Dhjetor 2017, 17:57, Aktualitet CNA

Për mazhorancën zgjedhja e Kryeprokurorit të Përkohshëm nuk ka më asnjë pikëpyetje. Ai zgjidhet me shumicë të thjeshtë nga Kuvendi. Deputeti i Partisë Socialiste, anëtar në Komisionin parlamentar të Ligjeve është shprehur për ?TemA TV?, se për këtë çështje janë shprehur edhe dy strukturat ndërkombëtare asistuese EURALIUS dhe OPDAT.

?Prokurori i Përkohshëm bëhet me shumicë të thjeshte votash. Ky nuk është vetëm një mendim i mazhorancës por edhe një mendim profesional nga dy struktura asistuese në Shqipëri EURALIUS dhe OPDAT?, – ka thënë Shameti.

Ndërsa kanë mbetur edhe tre ditë kohë për të aplikuar për Prokuror të Përgjithshëm të Përkohshëm, Shameti bën të qarta kriteret.

?Dua të sqaroj edhe diçka, çdo prokuror që është pjesë e strukturës së prokurorisë, mjafton që të ketë 15 vjet si jurist dhe të jetë aktualisht prokuror, të ketë mbaruar magjistraturën ose te ketë një gradë shkencore mund të aplikoj për t?u bërë kryeprokuror?, – shprehet Shameti.

Anëtari i komisionit të ligjeve sqaron se si Kryeprokurori, ashtu edhe anëtarët e Këshillit të Emërimeve në Drejtësi, të cilët u zgjodhën me short, pak ditë më pare, do të jenë të përkohshëm.

?Si Prokurori i Përgjithshëm ashtu edhe KED janë me mandat të përkohshëm sepse asnjeri prej tyre nuk i janë nënshtruar vetingut?, – tha Shameti. Ndërkohë Burime Konfidenciale i thanë ?Tema TV? se më datë 21 dhjetor caktohet kryeprokurori i përkohshëm./CityNews





Lajmet e fundit nga