E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Mandati i Llallës, pozita, opozita dhe ndërkombëtarët

8 Dhjetor 2017, 20:37, Aktualitet CNA

Zgjedhja e kreut të ri të akuzës në vendin tonë është shoqëruar me debate të forta mes forcave kryesore politike në vend.

Mazhoranca nga ana e saj ka deklaruar se Llallës i ka përfundur mandati dhe ka nisur procedurat per zëvëndësimin e tij sipas dispozitave kushtetuese në fuqi.

Opozita e vendit është pozicionuar kundër largimit të Llallës sepse sipas saj Kryeprokurori largohet nga funksioni vetëm nga KLP-ja, institucion që pritet të krijohet me nisjen e procesit të Vetingut.

Ngërci institucional në këtë rast është se KLP-ja nuk është krijuar ende dhe PD këmbëngul se mandati i Llallës duhet të vazhdojë deri në krijimin e KLP-së, institucion që do bënte të mundur shkarkimin e Kryeprokurorit.

Për zgjidhjen e kësaj çështjeje Rama i ka bërë tre ftesa Bashës për tu ulur në një tryezë bisedimesh. Basha nga ana e tij ka refuzuar ftesat ndaj Ramës dhe gjithçka mbetet për tu parë në ditët në vijim.Debatet e forta mes forcave politike ka bërë të mundur edhe futjen në lojë të ndërkombëtarëve. Në muajin shkurt të këtij viti pati një përplasje të fortë mes Kryeprokurorit Adriatik Llalla dhe ambasadorit Donald Lu. Në atë kohë Donald Lu e akuzonte Llallën se po pengonte Reformën në Drejtësi, ndërsa Lllalla nuk vonoi dhe iu kundërpërgjigj ambasadorit Lu duke deklaruar se ambasadori amerikan kishte ndërhyrë personalisht për pengimin e hetimeve të disa dosjeve me afera korrupsioni.

Pas këtij sherri marrëdhëniet mes Llallës dhe Lu-së u tensionuan. Pas debateve të forta të ditës së djeshme mes forcave politike për largimin e Llallës ka reaguar edhe ambasada amerikane në Tiranë.

Përmes një postimi në faqen zyrtare të ambasadës amerikane theksohej se largimi i Llallës duhej të bëhej menjëherë duke argumentuar se i kishte skaduar afati i ushtrimit të funksionit.

Më herët edhe misionet ndërkombëtare EURALIUS dhe OPDAT bënë një interpretim ligjor duke hedhur poshtë tezën për një zgjatje mandatit të Lllallës .Ata theksuan se në këto raste ekziston një dispozitë e qartë për nisjen e zgjedhjes së Prokurorit të ri.

Në të njëjtën linjë me ambasadën amerikane dje ishte edhe ambasadorja e BE-së në vendin tone Romana Vlahutin. Zyra e BE në Tiranëkërkoi nga kuvendi të nisë procedurat për zgjedhjen e kreut të ri të Prokurorisë.

Edhe në reagimin e Vlahutin theksohej se dispozitat kalimtare përcaktojnë qartë detyrimin e Kuvendit për zgjedhjen e Kryeprokurorit me shumicë të thjeshtë votash.

Sipas Vlahutin zgjedhja e kreut të Akuzës pa u zgjedhur KLP, Kushtetuta e thotë qartë se Kuvendi zgjedh një Kryeprokuror të Përkohshëm, i cili duhet të jetë një prokuror me më shumë përvojë në institucionin e Prokurorisë.

Me këto reagime të ndërkombëtarve drejt Lllallës, shihet qartë se sherri i muajit shkurt mes Llallës dhe Lu-së, nuk ishte harruar por mesa duket Ambasadori amerikan po i kthen reston e atij sherri të kaluar./ CityNews