E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Starton programi i gjelbërimit/ Klosi inauguron shkollën në Poshnjë

7 Dhjetor 2017, 15:43, Aktualitet CNA

Ditën e sotme ministri i Turizmit dhe i Mjedisit Blendi Klosi ka inauguruar shkollën e re në Poshnje, të Urës Vajgurore në kuadër të startimit të programit të gjelbërimit dhe edukimit të fëmijëve në mbarë Shqipërinë.

I shoqëruar nga kryetarja e Bashkisë së Urës Vajgurore, ministri Klosi ka theksuar: ? Ne sot erdhëm së bashku me kryetaren e bashkisë për të lançuar aksionin tonë të madh për të mbjellë në çdo shkollë, ?Një pemë për çdo fëmijë? për të krijuar kurorat e gjelbërta të shkollave dhe për të siguruar që nxënësit do të rriten me dëshirën dhe dashurinë për natyrën dhe për pemët?, ka thënë ministri Klosi i cili mbolli së bashku me nxënës e mësues të shkollës së re, fidanët e parë të kurorës së gjelbërt për shkollën e Poshnjes.

Ministri Klosi inspektoi ambjentet e reja të shkollës një financim i qeverisë prej 54 milionë lekësh gjatë një ceremonie festive të përgatitur nga nxënës e mësues, duke uruar të gjithë stafin pedagogjik dhe nxënësit për një proces të mbarë mësimor në ambjentet e reja.

Fjala e plotë e ministrit Klosi

Jemi sot në inaugurimin e shkollës së Poshnjes po e bashkojmë sot me një festë të organizuar me mjeshtëri nga nxënësit e shkollës dhe nga mësuesit e qarku i Beratit. Kjo shkollë është një simbol i reformës që ne kemi ndërmarrë në fushën e arsimit.

Ne sot erdhëm së bashku me kryetaren e bashkisë për të lançuar aksionin tonë të madh për të mbjellë në çdo shkollë, ?Një pemë për çdo fëmijë? për të krijuar kurorat e gjelbërta të shkollave dhe për të siguruar që nxënësit do të rriten me dëshirën dhe dashurinë për natyrën dhe për pemët.

Sot ky është një aktivitet që shkon në kuadër festave të fundvitit por njëkohësisht në të gjithë Shqipërinë do të bëjmë të njëjtën gjë që shkollat të realizojnë kurorat e tyre të gjelbërta për të mbrojtur mjedisin, për të mbrojtur natyrën.

Po ashtu ne do të lançojmë së bashku me Ministrinë e Arsimit një konkurs kombëtar për shkollën që do të ketë kurorën më të bukur për ta pasur mundësi që kjo të shndërrohet në një garë të bukur dhe të gjelbër ndërmjet fëmijëve. /CityNews