web counter
LEXO PA REKLAMA!

SHKARKO APP

App Store
Google Play

E fundit!

x

Vijon "telenovela" me dosjen e Elbasanit/ Krimet e Rënda shpallin moskompetencën

7 Dhjetor 2017, 15:34, Aktualitet CNA

Prokuroria e Krimeve të Rënda ka shpallur moskompetencën për dosjen e Elbasanit, ku një Audi i blinduar përplasi para disa muajsh makinën e policisë, në hyrje të tregut ushqimor në Elbasan.

Report Tv ka mësuar se prokurorit të cilit i kaloj kjo çështje, Behar Dibra ka vendosur këtë të enjte të shpall moskompetencë dhe ta kaloj sërish dosjen në prokurorinë e Elbasanit.

Dosja e rastit fillimisht po hetohej nga Prokuroria lokale, por më pas u vendos që ajo të kalonte tek Prokuroria e Krimeve të rënda, pasi nuk ishte kompetencë e tyre. Por si duket është dashur të kalojnë dy muaj dhe Krimet e Rënda të shpallin moskompetencë për ta kaluar tek ajo e Elbasanit ku ishte edhe fillimisht.

Kujtojmë se për këtë incident policia arrestoi Enea Bekteshin, Valmir Dedjan, Klement Xhaferrin dhe Ledio Zabelin si dhe shpallur në kërkim shtetasin Suel Cela. Pas disa hetimeve nga gjurmët e gishtave në automjet mësohet se nuk janë të Suel Çelës por të Enea Bekteshit.

Drejtori i Përgjithshëm i Policisë, Haki Çako, nisur nga ky rast, disa javë më parë shkriu të gjithë drejtorinë e policisë së Elbasanit, dhe komandoi atje zëvendësin e tij Altin Qato. /CityNews





Lajmet e fundit nga