web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu/ Stop rasteve të abuzimit të mjekëve me punësime në klinika private

7 Dhjetor 2017, 14:00, Aktualitet CNA

Ministrja e Shëndetësisë, Ogerta Manastirliu, ka vënë në lëvizje gjithë strukturat shëndetësore për shmangien e abuzimeve të hapura që bëjnë/kanë bërë,  bluzat e bardha në vendin tonë.

Gazeta ?Bulevard? mëson se,  në Spitalin Rajonal të Durrësit, së fundmi, me urdhër nga Ministria e Shëndetësisë, po evidentohen rastet e mjekëve për  abuzimin që bëjnë nëpërmjet punësimeve të tyre në klinika apo subjekteve private, me qëllim ?shërimin e popullsisë me kushte bashkëkohore?.

Burime nga spitali Rajonal thanë për gazetën se, të gjithë mjekët që deri më tani punonin me orar part-time në Spitalin Shetëror(ndërkohë që kontratat i kanë me kohë të plotë) dhe full-time në bizneset e tyre shëndetësore, si klinika apo farmaci shtetërore po kalohen në ?sitë? për ti larguar nga shëndetësia, madje duke u mbyllur edhe bizneset e tyre fitimprurëse  në kurriz të shëndetit të popullatës.

Nuk është më i panjohur fenomeni që bluzat e bardha e shfrytëzojnë punësimin e tyre në spitalet shetërore si një formë për të thithur ?klientë? në klinkat  e tyre, në farmacitë duke marrë përqindjen e tyre për çdo recetë të orientuar, apo dhe për marrje në krahë të pacientëve duke i diagnostikuar në vendet me ambiente më komod se ato që ofron  spitali shtetëror.

Për këtë qëllim, mësohet se Ministrja e Shëndetësisë, ka mbledhur gjithë informacioninet e   nevojshëm për gjithë personelin e bluzave të bardha, duke i shtyrë në këtë mënyrë që të kryejnë shërbim të plotë sipas kontratave të lidhura me administratën shtetërore dhe jo të konsumojnë vetëm kafet e mëngjesit për ?peshkim? brenda ambienteve të Spitalit Rajonal të Durrësit.

Bëhet e ditur gjithashtu se, fenomeni po identifikohet edhe nëpër qendrat shëndetësore të Durrësit, ku mjekët apo drejtuesit e  tyre ?orientojnë ? klientin drejtë bizneseve që mbajnë barna më të ?mira? apo me pretekstin se në shtet nuk kryhen ekzaminime korrekte. Spitali Rajonal i Durrësit mund të jetë i vetmi në rang kombëtar  që rreth e qark godinës së tij ka numrin më të madh të farmacive, klinikave apo dhe spitaleve private, duke të dhënë përshtypjen se jemi në zonë epidemike .

Kjo nuk do të tolerohet më, sipas Ministrisë dhe priten furtuna shkarkimesh, largimesh deri dhe mbyllje biznesesh të hapur enkas për qarkune  shkurtër shëndet-privat! Gazeta ?Bulevard? do të ndjek hap pas hapi gjithë këtë aksion, madje do bëjë publike çdo rast apo denoncim nga qytetarët që bien preh e këtij abuzimi detyre, duke garantuar anonimat të plotë!





Lajmet e fundit nga