web counter
LEXO PA REKLAMA!

SHKARKO APP

App Store
Google Play

Hapen kandidaturat për Kryeprokurorin e ri/ Ja kush mund të kandidojë

7 Dhjetor 2017, 17:24, Aktualitet CNA

Komisioni Parlamentar i Ligjeve, ka hapur mbrëmjen e sotme procesin për kandidaturat për postin e Prokurorit të Përgjithshëm, pozicion shumë i debatuar mes qeverisë dhe opozitës, por që prej ditës së sotme ka mbetur bosh, pasi Adriatik Llallës i mbaroi mandati.

Lidhur me këtë të gjithë kandidatët kanë kohë deri më 15 dhjetor për të paraqitur kandidaturat e tyre.

Por cilat janë kriteret që duhen plotësuar nga kandidatët:

Kriteret ndahen në dy grupe, kritere që përcakton ligji dhe ato që përcakton vetë Kushtetuta.

Kriteret që përcakton ligji parashikojnë që prokurori kandidat duhet të ketë kaluar Vetingun, pikë kjo e kontestuar nga opozita pasi asnjë prokuror nuk e ka kaluar ende Vetingun. Po ashtu në tërësinë e këtyre kritereve janë edhe që të mos jetë i prekur nga dekriminalizimi, të mos ketë qenë i dënuar, të mos ketë qenë punonjës i Sigurimit të Shtetit të para viteve 90′, nuk duhet të jetë agjent i shërbimeve sekrete si vendase ashtu edhe të huaja.

Ndërsa Kushtetuta shprehet se prokurori kandidat duhet të jetë me 15 vite pune dhe një gradë shkencore, kjo nëse ai nuk ka mbaruar magjistraturën. Një kriter tjetër është edhe që nuk duhet të ketë mbajtur poste drejtuese politike, apo të mos ketë qenë drejtues në partitë politike për të paktën 10 vitet e fundit. /CityNews





Lajmet e fundit nga