web counter
LEXO PA REKLAMA!

SHKARKO APP

App Store
Google Play

E fundit!

x

Kryeprokurori i ri/ Shehi: Komisioni ushtroi "dhunë" ndaj opozitës

7 Dhjetor 2017, 16:39, Aktualitet CNA

Kryetari i partisë Lëvizja për Zhvillim Kombëtar, Dashamir Shehi, i dalë deputet nga lista Basha, i ftuar në studion e televizionit News24, ka komentuar replikat e sotme mes qeverisë dhe opozitës lidhur me qëndrimin për Kryeprokurorin e ri, vend ky i mbetur bosh pas përfundimit të mandatit të Adriatik Llallës.

Shehi u shpreh se politika po tregon se për ta është e rëndësishme të largohet Adriatik Llalla, ndërsa sipas tij, qeveria po bën atë për çka ka akuzuar prej kohësh opozitën, kapjen e drejtësisë. Deputeti Shehi u shpreh se qeveria jo vetëm që po tregon se mund ta kapë drejtësinë, por po e kap atë.

Teksa komentoi zhvillimet në Komisionin Parlamentar të Ligjeve, Shehi tha se komisioni ushtroi dhunë ndaj opozitës me anë të kartonit të votës, duke treguar se ne mund të bëjmë pa ju, gjë që sipas kreut të LZHK-së, është e papranueshme dhe se ky proces kërkon konsensus mes qeverisë dhe opozitës. Ai u shpreh se ata mund ta zgjedhin Kryeprokurorin edhe pa opozitën por moralisht nuk qëndron.

Teksa komentoi qëndrimin e Bashës, Shehi tha se përgjigjja e tij nuk ishte negative, përkundrazi, ai u përgjigj pozitivisht.

Ndërsa u pyet se cila mund të ishte zgjidhja në këtë rast, Dashamir Shehi, tha se duhej të vendosej prokurori më i vjetër dhe me më shumë eksperiencë deri në zgjedhjen e Kryeprokurorit të ri pas krijimit të KLP-së. /CityNews





Lajmet e fundit nga