E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

Nesër fundi i kryeprokurorit Llalla/ Emrat e zëvendësuesve që janë në valle

6 Dhjetor 2017, 20:55, Aktualitet CNA

E nesërmja, data 7 dhjetor 2017, është dita kur kryerokurori Adriatik Llalla nuk duhet të shkelë në zyrën e tij, pasi qënies në krye të prokurorisë së Përgjithëshme i ka ardhur fundi kushtetues.

Fund që ka ndezur debate dhe thurrur lloj-lloj skenarësh. Po nesër, burime nga Kuvendi i thanë CityNews se seance plenare e rradhës nuk do të zhvillohet, kurse Komisioni parlamentar i Ligjeve do të nis procedurën për zëvendësimin e Adriatik Llallës.

Mirëpo kush do të jetë zëvendësuesi i Kryeprokurorit aq shumë të akuzuar për shkatërrim të institucionit të lartë të hetimit, për përdorje të tij nga politika dhe interesat, por edhe për përfshirje në afera financiare?

Në mungesë të ngritjes së Këshillit të Lartë të Prokurorisë, strukturës përgjegjëse të zgjedhjes së Kryeprokurorit, vendin e Llallës do ta zerë një Kryeprokuror i përkohshëm. Ai do të dale pas marrjes së 84 votave nga deputetët e Kuvendit dhe do të jetë i përzgjedhur midis tre kandidaturave që do të votohen e që përmbushin tre kriteret: vitet e punës, titujt shkencorë dhe Vetingu, që është kryesori.

Burimet mediatike raportojnë se deri më tani procesin e Vetingut nuk e ka kaluar askush nga prokurorët në detyrë, megjithatë skanimi vijon. Po atëherë? Sepse i bie që në këto kushte të mos ketë jo tre por asnjë kandidature që ti plotësojë kriteret.

Duke analizuar zëvendësuesin e pritshëm të Llallës dhe situatën e sipërpërshkruar Top-Channel sjell disa nga emrat më të mundshëm që mund të zënë postin e Kryeprokurorit të ri, por asnjeri prej tyre nuk përmbush të gjitha kriteret.

Për Topin prokurorët me më shumë eksperiencë janë Thoma Jano dhe Adnan Kosova, të dy prokurorë në Prokurorinë e Përgjithëshme, por asnjëri prej tyre nuk ka gradë shkencore.

Mes atyre që kanë gradë shkencore është Ferdinand Elezi, prokuror i Prokurorisë së Apelit në Durrës, Henrik Ligori, prokuror i Krimeve të Rënda, Dritan Rreshka, prokuror në Task Forc-ën e Tiranes, dhe Olsi Çela, prokuror i krimeve të Rënda. A do të jenë këta të përfshirë si kandidatë konkurentë për të zëvendësuar përkohësisht Adriatik Llallën, mandati i të cilit përfundon nesër?/CityNews