web counter
LEXO PA REKLAMA!

SHKARKO APP

App Store
Google Play

E fundit!

x

Kërcënimi i Ramës ndaj BE-së/ Bregu: Nuk shoh asnjë problem në atë deklaratë

6 Dhjetor 2017, 19:21, Aktualitet CNA

Majlinda Bregu gjatë intervistë për Report TV, gjatë ditës së sotme, ka komentuar deklaratën e një dite më parë të kryeministrit Edi Rama në Bruksel, ku kërkcënonte BE-në që në rast të mosçeljes së negociatave me Shqipërinë për integrimin në BE, Shqipëria dhe vendet e rajonit kanë edhe zgjidhje të tjera, siç është afrimi me Rusinë, Kinën apo edhe me Islamin Radikal.

Sipas Bregut nuk ka asnjë problem me deklaratën e Ramës, pasi Ballkani do investime.

“BE nuk jeton në një flluskë dhe mezi pret të dëgjojë që Ballkani është i rrezikuar nga influencat. Fakti që e thonë Rama dhe kryeministrat e tjerë, ka një lloj qartësi, që presioni nga vendet e tjera nga Rusia, apo modeli autoritar i Erdoganit apo Kina, vende që kanë mundësi të investojnë. Ballkani ka nevojë për investime.

Rusia mund të mos ketë shumë investime, por ndërhyn për të shkaktuar trazira, që e bën më të domosdoshme që Ballkani të jetë i sigurt. Prandaj nuk shoh asnjë problem në këtë deklarim, por ajo që do të dëgjoja më shpesh do të ishte raportimi për seriozitetin që marrim zbatimin e angazhimeve.”, – u shpreh Bregu.

Ish-ministrja tha se shqetësim do të ishte nëse nuk do të çelen negociatat, pasi ato do të ishin presion si për qeverinë, ashtu edhe për opozitën median dhe shoqërinë civile, për të qenë më të përgjegjshëm.

“Unë jam e shqetësuar se nëse nuk çelen negociatat, sepse është i vetmi motor presioni pozitiv ndaj qeverisë dhe administratës, pse jo edhe ndaj opozitës dhe medias e shoqërisë civile për të qenë më të përgjegjshëm”, – deklaroi Bregu. /CityNews





Lajmet e fundit nga