web counter
LEXO PA REKLAMA!

SHKARKO APP

App Store
Google Play

E fundit!

x

LSI me përfaqësuesit e Federatës Sindikale të Naftës/ Ja kërkesa e tyre

6 Dhjetor 2017, 14:20, Aktualitet CNA

Deputetët e Lëvizjes Socialiste për Integrim, Edmond Haxhinasto dhe Përparim Spahiu, pritën ditën e sotme në zyrën e Grupit Parlamentar të LSI-së në  Kryesinë e Kuvendit përfaqësuesit e Federatës Sindikale të Naftës në Shqipëri, Gëzim Shehaj dhe Gëzim Topalli.

Deputetët e LSI-së dëgjuan me kujdes shqetësimet e sindikalistëve, të cilët sillnin në fokus problematikat e këtij sektori kyç për ekonominë e vendit dhe qytetarët që punojnë aty.

Përfaqësuesit e Federatës Sindikale të Naftës në Shqipëri u shprehën se Lëvizja Socialiste për Integrim  ishte i vetmi subjekt politik, i  cili pranoi të dëgjojë kërkesat e tyre për të përmirësuar sistemin dhe sigurinë e punonjësve të këtij sektori.

Në peticionin e tyre drejtuar organeve më të larta shtetërore ata kërkojnë zbatimin e Statusit të Naftëtarëve si dhe zbatimin e Kodit të Punës në mënyrë të  veçantë lidhjen e kontratës kolektive të punës.

Përfaqësuesit e Grupit Parlamentar të Lëvizjes Socialiste për Integrim u angazhuan për të ndjekur me vëmendje zbatimin e ligjit për punonjësit e këtij sektori shumë të rëndësishëm të ekonomisë si dhe të gjithë të drejtat që punonjësit gëzojnë në bazë të ligjit./ CityNews





Lajmet e fundit nga