web counter
LEXO PA REKLAMA!

SHKARKO APP

App Store
Google Play

Sekuestrohet drogë dhe arsenal armësh/ Në kërkim poseduesit

6 Dhjetor 2017, 12:47, Aktualitet CNA

Policia në Memaliaj ka bërë të mundur sekuestrimin një sasie lëndësh narkotike si dhe armë në Memaliaj.

Në kuadër të operacionit të koduar ?Zhapokika?, u kapën 4 armë dhe 5 kg kanabis, ndërkohë që vijon puna për arrestimin e poseduesve.

Policia njofton se mbi bazën e informacioneve të mara në rrugë operative se dy shtetas, (gjeneralitetet e të cilëve nuk i bëjmë me dije për arsye hetimi), po transportonin në një përrua, armë e drogë me qëllim fshehjen e tyre, kanë ushtruar kontroll të imtësishëm në vendin e quajtur ?Përroi i Madh?, në fshatin Zhapokikë, Bashkia Memaliaj.

Si rezultat i kontrollit shërbimet e Policisë kanë gjetur të fshehura në një zone me shkurre 4 armë zjarri, përkatësish: Tre armë zjarri model 54, një armë zjarri automatike model 56 si dhe dy krehëra me fishekë.

Gjithashtu,pranë tyre është gjetur dhe një qese e zezë, brenda të cilës kishte lëndë të dyshuar narkotike Cannabis Sattiva me peshë totale, 5 kg.

Nga shërbimet e policisë po punohet për zbardhjen e plotë të kësaj veprimtarie kriminale si dhe për kapjen e autorëve. Materialet i kaluan Prokurorisë Pranë Gjykatës së Shkallës së Parë Gjirokastër për hetime të mëtejshme për veprën penale ?Prodhimi dhe shitja e lëndëve narkotike? dhe ?Mbajtja pa leje e armëve luftarake dhe municionit?, parashikuar nga nenet 283 e 278 e Kodit Penal./ CityNews





Lajmet e fundit nga