web counter
LEXO PA REKLAMA!

SHKARKO APP

App Store
Google Play

Vetingu/ KLD dorëzon dosjet për 35 gjyqtarë

6 Dhjetor 2017, 11:37, Aktualitet CNA

Procesi i Vetingut shumë shpejt pritet të japë rezultatet e para. Tashmë Komisioni i Kualifikimit ka në dorë të dhënat e para, për krerët e drejtësisë shqiptare dhe mes tyre ka shumë nga ata që janë akuzuar politikisht dhe mediatikisht.

Këshilli i  lartë i Drejtësisë i ka dorëzuar Komisionit të  Kualifikimit, dosjet për 35 gjyqtarë ndërkohë që ka përfunduar shorti për 33 prokurorë

Komisioni ka hartuar një listë prioritare në bazë të rëndësisë së institucioneve, duke  filluar me gjyqtarët e Gjykatës së Lartë, gjyqtarët e Kushtetueses me Kryeprokurorin dhe kandidatët për Këshillin e Lartë Gjyqësor dhe atë Prokurorial.

Siç dihet tashmë secili emër do të verifikohet për pasurinë, për pastërtinë e figurës dhe karrierën.

Javën që shkoi janë përzgjedhur 5 çështje që kanë shqyrtuar, prokurorët, anëtarë të KLP ?së dhe tashmë ka nisur hapja e vendimeve për të dyja palët. Sa u takon gjyqtarëve mësohet se po verifikohen me detaje vendimet që ata kanë marrë, duke shikuar procesverbale, regjistrimet e seancave dhe ankesat që mund të kenë ardhur për çështjet në fjalë.

Po ashtu edhe për prokurorët po shqyrtohen vendimet që ata kanë marrë, për të dërguar apo jo një çështje në gjykatë.

Sipas burimeve të gazetës Sot nga KLD dhe Prokuroria e Përgjithshme, dosjet po i dorëzojnë pranë Komisionit të Kualifikimit dhe tashmë gjithçka është në dorë të komisionerëve.





Lajmet e fundit nga