web counter
LEXO PA REKLAMA!

SHKARKO APP

App Store
Google Play

Ikën Llalla/ Tetë prokurorët më me përvojë në garë për ta zëvendësuar

6 Dhjetor 2017, 10:07, Aktualitet CNA

Mazhoranca pritet të zgjedhë një prokuror më përvojë për të zëvendësuar Adriatik Llallën.

Ditët e fundit ka pasur shumë debate, sa i takon situatës pas mbarimit të mandatit të Kryeprokurorit, por PS e ka marrë vendimin dhe më 7 dhjetor nisin procedurat për të emëruar një Kryeprokuror të përkohshëm.

Të paktën kështu kanë deklaruar së fundmi, kreu i Grupit Parlamentar të PS -së, Taulant Balla dhe deputeti Ulsi Manja.

Në nenin 109 të Ligjit për Prokurorinë, thuhet se kur kryeprokurorit i mbaron mandati, emërohet një prokuror i përkohshëm.

Nga ana tjetër sa u takon kushteve, kryeprokurori duhet të kalojë me sukses verifikimin e plotë të pasurisë dhe figurës etj.

Në listën e prokurorëve më me përvojë të publikuar nga gazeta Sot, dy prokurorët me përvojë më të gjatë janë, Sulejman Tola, prokuror në Krujë dhe  Ylli Dhimitri prokuror në Kavajë, të cilët sapo kanë mbushur 65 vjeç, që është edhe mosha e daljes në pension. Në radhë vijnë prokurorët Petrit Qerimi dhe Bujar Çiçi, të dy rreth 64 vjeç  dhe me 30 vite përvojë punë.

Më pas janë katër prokurorë në moshën 60 vjeçare, si Agim Dika, nga Prokuroria e Elbasanit, Shyqyri Duro nga Prokuroria e Kavjës, Apostol Prifti ngas Prokuroria e Tiranës dhe Shahin Pasha po nga e njëjta prokurori.

Këta janë tetë prokurorët me përvojën më të gjatë në organin e akuzës.

Nëse mazhoranca do i qëndrojë strikt ligjit, duke zgjedhur një kandidat me përvojë, duhet të jetë një prej emrave të mësipërm.

Ndërkaq në total janë 82 emra që plotësojnë kushtin e përvojës.

Të premten, Kuvendi do të kosntatojë mbarimin e mandatit të kryeprokuroit dhe do të njoftojë Komisionin e Ligjeve.





Lajmet e fundit nga