web counter
LEXO PA REKLAMA!

SHKARKO APP

App Store
Google Play

E fundit!

x

Xhafaj takon Avramopoulos/ Siguron mbështetje në rrugën e integrimit

6 Dhjetor 2017, 14:05, Aktualitet CNA

Ministri i Brendshëm Fatmir Xhafaj takoi Komisionerin për Migrimin, Punët e Brendshme dhe Shtetësinë, Dimitris Avramolupos.

Komisioneri përgëzoi Ministrinë e Brendshme për masat e marra dhe rezultatet e arritura deri tani në luftën kundër kultivimit të kanabisit, menaxhimit të integruar të kufijve me synim frenimin e migracionit të parregullt dhe azilkërkimit të paligjshëm, luftën kundër krimit të organizuar. Ai inkurajoi që ky standard të vijojë edhe në të ardhmen, për të siguruar qëndrueshmëri në rezultate.

Në një prononcim për mediat pas takimit, Komisioneri për Migrimin, Punët e Brendshme dhe Shtetësinë, Dimitris Avramopoulos tha se Shqipëria është një faktor i rëndësishëm stabiliteti për mbarë rajonin.

Ai gjithashtu tha se ?Ndodhemi sot këtu për të punuar së bashku, në mënyrë që të kapërcejmë të gjitha çështjet dhe kërkesat që kërkohen për t?i hapur Shqipërisë dyert drejt Bashkimit Europian. Dhe ne jemi shumë të angazhuar të rrisim dhe thellojmë bashkëpunimin tonë, në mënyrë që të arrijmë këtë moment.?

Avramopoulos deklaroi se do të vijojë të mbështesë dhe të jetë krah Shqipërisë në rrugëtimin e saj drejt Bashkimit Europian.

Ndërsa ministri Xhafaj u shpreh se ?shpresoj dhe besoj që nën kujdesin e tij, me mbështetjen e tij, ne do të bëjmë hapa të rëndësishëm që kanë të bëjnë me çështjet e luftës ndaj krimit të organizuar, trajtimit të çështjeve të emigracionit të paligjshëm dhe një sërë çështjesh të tjera që na preokupojnë në rrugën tonë në integrimin në Bashkimin Europian.?/ CityNews





Lajmet e fundit nga