web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e dosjeve në Prokurorinë e Elbasanit/ Informohet Ambasada e SHBA -së

4 Dhjetor 2017, 11:56, Aktualitet CNA

Dy ditë më parë, CityNews denoncoi një skandal të padëgjuar më parë, që ka degjeneruar Prokurorinë e Elbasanit.

Sipas burimeve të CityNews, Prokurori Dritan Gina, i ka marrë me forcë tre dosje  prokurores Armanda Xhaferri.

Të njëjtat burime thanë, se në Prokurorinë e Elbasanit ka pasur një përplasje të fortë midis Xhaferrit dhe drejtuesit Gina.

Shkak për këtë përplasje midis tyre janë bërë tre dosje, të cilat Gina ia ka ?rrëmbyer? vartëses së tij.

Një ditë më pas ka qenë policia, që ka konfimuar zyrtarisht skandalin në fjalë, duke iu referuar denoncimit të prokurores Xhaferri.

?Armanda Xhaferri, me detyrë prokurore pranë Prokurorisë së Rrethit Gjyqësor Elbasan, në 02.12.2017. ka bërë kallëzim në policinë e Elbasanit pasi kur ka shkuar në zyrë ka konstatuar se i kishin humbur 3 fashikuj të proçedimeve penale, materiale të Task Forcës për hetimin e korrupsionit?, ka njoftuar Policia.

Dyshohet se të zhukuara janë dosje shumë të rëndësishme si dosja ?Llalla, Kurum? dhe  dosja e ndërtimit të rrugës së Gjinarit, të cilat kanë qenë në dorën e Prokurores Armanda Xhaferri.

Ndërkohë, ditën e sotme, mediat kanë raportuar se materiali i kallëzimit penal i parashtruar nga prokurorja Armanda Xhaferri i është vënë në dispozicion Ambasadës së SHBA ?së, që në fundjavë./CityNews

 





Lajmet e fundit nga