web counter
LEXO PA REKLAMA!

SHKARKO APP

App Store
Google Play

E fundit!

x

Gazetari/ Begaj-Rama, kampionë të padiskutueshëm në disiplinat e tyre

4 Dhjetor 2017, 10:58, Aktualitet CNA

Gazetari Arben Vata, ka hequr paralele mes kampiones së sportit Romela Begaj dhe Kryeministrit Edi Rama.

Sportistja Begaj, së fundmi është shpallur kampione e botës në peshëngritje, ndërsa Kryeministri Rama, sipas Vatës, zbuloi një sport të ri, atë të mbajtjes së ekuilibrit në një ecje të pazakontë mbi goma.

?Dy realitete të ndryshme shqiptare brenda një dite ; Romela Bega shpallet kampione e botës në peshëngritje dhe kryeministri Rama, kampion kombëtar në ecjen mbi goma.

Të dy kampionët kanë shënuar edhe më herët rekorde të ndryshme në sport. Begaj nga e saj i është përkushtuar gjatë gjithë jetës peshëngritjes, ndërsa Rama ka ushtruar sporte të ndryshme.

Fillimisht ai ka provuar veten në basketboll, ku pavarësisht se shumë analistë sportiv përmendin vetëm aftësitë e tij për të prishur lojën e kundërshtarit, Rama ka arritur megjithatë të jetë lojtar rezervë i Dinamos dhe kombëtares.

Ndërsa gjatë kohës që po ushtron politikën, Rama i është kthyer sërish sporteve, por në disiplina të reja, të pa njohura më parë.

Para shumë vitesh ai themeloi sportin e prerjes së shtyllave me sëpatë, ndërsa vijon të mbetet kampion edhe aty.

Së fundi, ai u pa këto ditë duke mbajtur ekuilibrin në një ecje të pa zakontë mbi goma.

Pritet që këtij sporti të ri ti bashkëngjiten miqtë e tij Thaçi, Vucic dhe Erdo?an.

Urime të dy kampionëve shqiptarë Begaj e Rama për rekordet e tyre?, ka shkruar gazetari në rrjetin sociale./CityNews

 





Lajmet e fundit nga