web counter
LEXO PA REKLAMA!

SHKARKO APP

App Store
Google Play

Përmbytjet/ Kryeministri nuk jep zgjidhje, por flet broçkulla

4 Dhjetor 2017, 09:21, Aktualitet CNA

Kryetari i grupit parlamentar të LSI, Petrit Vasili, vijon me akuzat kundër kryeministrit Rama në lidhje me situatën e përmbytjeve në vend.

Në një postim në rrjetet sociale, Vasili shkruan se situata shumë e rëndë e përmbytjeve kërkon zgjidhje të menjëhershme.
Sipas Vasilit, kryeministri i lodhur këput broçkulla dhe humor pa u lodhur, por zgjidhje nuk jep.

Ndër të tjera, Vasili thotë se përgjegjës është vetëm kryeministri Rama që i bëri rrush e kumbulla paratë, me palma e pisha në autostradë, me fasada, me mender rilindje urbane, me ekspozita pikture etj. etj. shpërdorime të pacipa.

Postimi i plotë:

Kryeministër i lodhur, qe broçkullit pa u lodhur.

Situata shumë e rëndë e përmbytjeve kërkon zgjidhje të menjëhershme.
Kryeministri i lodhur këput broçkulla dhe humor pa u lodhur, por zgjidhje nuk jep.
Ky shkollëpak nuk ka faj, se fajin sipas tij e ka Zogu, Enveri, Saliu, Fatosi…E gjithë bota ka faj.
Ky s’ka as faj, as përgjegjësi, as detyrim që të zgjidhë problemet.
Ky është specializuar për t?u qurravitur pas të tjerëve, sepse vetë as nuk di e as nuk do që të zgjidhë gjë prej gjëje.
Përgjegjës është vetëm ai që i bëri rrush e kumbulla paratë, me palma e pisha në autostradë, me fasada, me mender rilindje urbane, me ekspozita pikture etj. etj. shpërdorime të pacipa.
Ky i papërgjegjshëm nuk dha para as për kanale kulluese, as për hidrovorë, as për argjinatura, as për diga, ndaj fajin e ka vetëm ai dhe askush tjetër./ CityNews





Lajmet e fundit nga