web counter
LEXO PA REKLAMA!

SHKARKO APP

App Store
Google Play

E fundit!

x

Mos u jepni fëmijëve shurup për kollën!!/ Ja çfarë sugjerojnë doktorët

4 Dhjetor 2017, 00:30, Aktualitet CNA

Prindërit duhet të shmangin shurupet e kollës për fëmijët dhe t’u japin atyre mjaltë dhe limon në vend të tyre.

Dr Oliver Bevington, pediatër në Spitalin e Fëmijëve të Southampton, paralajmëroi se barnat mund të jenë toksike nëse konsumohen në doza të mëdha.

“Në fund të fundit, nuk ka absolutisht asnjë provë që ilaçet e kollës funksionojnë pasi nuk ka patur shumë kërkime në lidhje me përdorimin e tyre dhe potencialisht ato mund t?u shkaktojnë më shumë dëme fëmijëve se sa t?u bëjnë mirë atyre.

Shumë shurupe kollash përfshijnë paracetamol, nëpërmjet të cilave në mënyrë të paqëllimshme, fëmijët mund të kalojnë në mbidozë.?

Fëmijët nën moshën gjashtëvjeçare janë veçanërisht në rrezik, tha Dr Bevington.

Duke shkruar në faqen e internetit të Hippocratic Post, mjeku shtoi: “Tani po shkojmë në kohën tonë më të ngarkuar të vitit ku spitalet dhe mjekët do të shohin qindra fëmijë në ditë me simptoma të frymëmarrjes, duke përfshirë kollitjen, ftohjet dhe temperaturat. Zgjidhja më e mirë është që në vend të shurupeve, tu jepni atyre mjalt dhe limon, sipas metodës së vjetër.?/CityNews





Lajmet e fundit nga