web counter
LEXO PA REKLAMA!

SHKARKO APP

App Store
Google Play

E fundit!

x

Klosi: Në Berat pas 72 orësh, nuk ka shenja të përmbytjes (video)

3 Dhjetor 2017, 21:14, Aktualitet CNA

Pedonalja e qytetit të Beratit sot, pas 72 orësh, nuk ka shenja të përmbytjes. Gjithçka është më e qetë edhe në rrugën kryesore, e cila i është rikthyer normalitetit në lëvizjen e mjeteve dhe këmbësorëve. Kryeministri Edi Rama, i shoqëruar nga Kryetari i Bashkisë Petrit Sinaj, Ministri i Turizmit dhe Mjedisit Blendi Klosi, si dhe deputetë të zonës, ecën përgjatë saj, për të parë nga afër situatën.

Ministri i Turizmit dhe Mjedisit Blendi Klosi informoi se në datën 16 dhjetor do të organizohet një aksion i madh për pastrimin e lumit, për të cilin do të kërkohet edhe bashkëpunimi i TAP, si dhe i bizneseve lokale.

?Në datën 16 do të organizojmë një aksion të madh që të pastrojmë lumin. Besoj kompania TAP do na ndihmojë me gjithë mjetet që ka. Po ashtu do i kërkojmë të gjithë biznesit lokal që të na ofrojë mjetet dhe me ndihmën e specialistëve të bashkisë do të bëjmë një pastrim nga ura në urë. Pastaj për të pasur një fazë të dytë nga Uznova deri në dalje të Urës Vajgurore. Gjithashtu, kemi organizuar që të mbjellim një numër të konsiderueshëm pemësh, të cilat kanë qenë pjesë e shtratit të lumit, por janë dëmtuar gjatë viteve, të cilat mund të ndihmojnë më shumë në mbrojtjen e sistemit. Në datën 16 do të na bashkohen të gjitha shkollat, po ashtu dhe gjithë shoqëria për të pasur një pastrim të plotë të qytetit.”

Kryeministri u ndal gjithashtu edhe në qendrën e ngritur për pritjen e qytetarëve, banesat e të cilëve janë të përmbytura, si dhe u takua me pjesëtarë të Forcave të Armatosura, të angazhuar prej 3 ditësh me përballimin e situatës. /TemA





Lajmet e fundit nga