E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

I penduari për "vrasjen" e Tom Doshit/ Kërkesë për shuarjen e masës së sigurisë

4 Dhjetor 2017, 08:36, Aktualitet CNA

Durim Bami, një nga personazhet kryesorë të çështjes së bujshme Doshi-Frroku i është drejtuar më një kërkesën për Gjykatën e Krimeve të Rënda, ku ka kërkuar shuarjen e masës së sigurisë.

Ai ndodhet prej 2 vitesh e nëntë muaj në arrest shtëpiak.

Paraprakisht Bamit i është rrëzuar akuza për ?vrasje të funksionarëve të lartë publikë mbetur në tentativë? në vetëm ?krijim provash të rreme me qëllim ndjekjen penale.

Çështja e tij i është bashkuar asaj të deputetit Tom Doshi, që gjithashtu akuzohet për krijim provash të rreme.

Durim Bami njihet si protagonisti i një videoje, që u bë publike nga deputeti i Shkodrës, Tom Doshi.

Në këtë video, Bami rrëfente se si ishte penduar për të mos e vrarë Doshin, pas porosive që i ishin dhënë nga ndërmjetës kundrejt shumave të mëdha.

Por, kjo video u konsiderua e rreme nga Prokuroria.

Më herët, Prokuroria e Krujës kishte përfunduar hetimin dhe dërgoi për gjykim Durim Bamin, i akuzuar për veprën penale të ?Pastrimit të produkteve të veprës penale?. Nga hetimi, ka rezultuar se i pandehuri, ka lidhur kontrata për shitblerjen dhe qiradhënien e pasurive, në zyra noteriale të ndryshme.

Konkretisht në harkun kohor 2011-2015, i pandehuri ka kryer transaksione të ndryshme në fushën e ?Dhënies së huasë? dhe ?Blerje apartamenti? në vlerën totale 15.670.000 lekë.

Nga ky total, ai ka ?dhënë hua? 5 400 000 lekë, si edhe ka shpenzuar për ?ndërtim të paluajtshëm? vlerën 10.270.000 lekë.

Prokuroria e Krujës ka arritur në konkluzionin se ky shtetas, pa pasur asnjë të ardhur financiare të ligjshme (vetjake apo të familjes së tij), nëpërmjet këmbimit ose transferimit të pasurisë, me qëllim fshehjen ose mbulimin e origjinës së paligjshme të saj, kryerjes së veprimeve financiare ose transaksioneve të copëzuara për shmangien nga raportimi, veprimeve aktive të kundraligjshme, konkretisht formave të paraqitura me poshtë, ka konsumuar elementët e veprës penale të ?Pastrimi i produkteve të veprës penale?, parashikuar nga neni 287 i K.Penal.

I pandehuri është dënuar disa herë për vepra të ndryshme penale, në bazë të të cilave Prokuroria e Krujës ka krijuar bindjen se ka gjeneruar përfitime ekonomike në vlera të konsiderueshme. /CityNews