web counter
LEXO PA REKLAMA!

SHKARKO APP

App Store
Google Play

E fundit!

x

Basha i kundërpërgjigjet Ramës/ Nuk ka asgjë spektakolare në zonat e përmbytura

4 Dhjetor 2017, 11:04, Aktualitet CNA

Kryetari i PD-së, Lulzim Basha nëpërmjet një postimi në rrjetin social ka vijuar akuzat ndaj qeverisë Rama sa i përket gjendjes katastrofale, në të cilën ndodhen banorët e vendeve të prekura nga përmbytjet.

Basha shkruan se, Rama duhet të lërë mënjanë propagandën dhe duhet të zgjidhë hallet e mijëra familjarëve, të cilët për më shumë se 3 ditë nuk kanë kushtet minimale të jetesës.

?Nuk ka asgjë spektakolare në Darzezë, në Ferras e në shumë fshatra të tjera të Fierit ku balta ka mbuluar dhjetëra shtëpi e ka shkaktuar dëme të rënda materiale. Dhe në Dërmenas po ashtu.

Asgjë spektakolare nuk ka në Novoselë e në zona të tjera të Vlorës ku, si pasojë e përmbytjeve, ka mungesa bazike, nga ushqimet tek dritat dhe uji. Asgjë spektakolare nuk ka në Fushë-Krujë, në Bilaj, në fshatin Hasan dhe lagje të tjera, ku uji dhe balta kanë përmbytur e marrë me vete shumë pasuri dhe kursime të qytetarëve.  Po, ka dy gjëra spektakolare! Spektakolare është përpjekja për ta nxjerrë këtë fatkeqësi në media e në ekrane si sukses qeveritar!

Spektakolare është braktisja e qytetarëve nga qeveria dhe lënia nën mëshirë të fatit pas asnjë ndihmë! Edi Rama duhet ta lërë propagandën e t?u zgjidhë hallet mijëra familjeve, që janë prej tre ditësh pa ujë, pa ushqime e drita! Edi Rama duhet t?i dëmshpërblejë për humbjet e pallogaritshme që kanë pësuar, pasi dimri është i gjatë dhe i papërballueshëm në këto kushte?, shkruan Basha./CityNews





Lajmet e fundit nga