web counter
LEXO PA REKLAMA!

SHKARKO APP

App Store
Google Play

E fundit!

x

OKB: Do ndërtojmë sisteme ushqimore që ofrojnë ushqim më të mirë

4 Dhjetor 2017, 11:17, Aktualitet CNA

Në  Budapest të Hungarisë janë mbledhur  më shumë se 200 ekspertë dhe profesionistë në fushën e të ushqyerit, shëndetit, arsimit, mbrojtjes sociale dhe bujqësisë. Mbledhja e tyre ka për qëllim një të përbashkët të vetme, e cila ka të bëjë me bindjen se sistemet ushqimore lokale, kombëtare, rajonale dhe globale mund të bëjnë shumë më tepër për të përmirësuar dietat e njerëzve.

Simpoziumi rajonal dy ditor për Sistemet e Ushqimit të Qëndrueshëm për Ushqime të Shëndetshme është organizuar nga FAO dhe Organizata Botërore e Shëndetësisë , në bashkëpunim me UNICEF dhe Programin Botëror të Ushqimit. Është e katërta në një sërë simpoziumesh të drejtuara nga FAO që po zhvillohen në mbarë botën këtë vitm, të gjitha kanë për qëllim shfrytëzimin e potencialit të sistemeve ushqimore për të promovuar dietat e shëndetshme.

Format e ndryshme të kequshqyerjes, dobësim, mbipeshë, obezitet, mungesa e vitaminave dhe e mineraleve janë të pranishme deri diku në të gjitha vendet e Evropës dhe Azisë Qendrore. Sipas të dhënave të FAO / ËHO, më shumë se 55 përqind e të rriturve në rajon janë mbipeshë ose obezë, dhe miliona vuajnë nga anemia, mungesë e jodit, zinkut, ose mungesa e vitaminës A dhe D.

“Sot e kuptojmë se ushqimi i mirë varet jo vetëm nga produktiviteti bujqësor, por nga të gjitha sistemet ushqimore – nga mënyra e planifikimit të prodhimit deri te konsumi”, tha Dupouy.

“Ne duhet të shohim përgjatë zinxhirëve të vlerave dhe brenda secilit element të sistemeve ushqimore për të parë se ku vlera ushqyese rrezikon të humbasë, ose ku ka mundësi për ta ruajtur apo rritur atë”, tha Dupouy. “Ne duhet të mendojmë për infrastrukturën, si për ruajtjen dhe përpunimin e produkteve, rrugët dhe tregjet, për të siguruar që ushqimi kalorik dhe i sigurt është fizikisht i disponueshëm për njerëzit në të dy zonat si ato të largëta rurale dhe brenda qyteteve. Qëllimi është që të mos lihet askush pas”, tha Eleonora Dupouy, koordinatore e aktivitetit./CityNews





Lajmet e fundit nga