E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Tensionohen marrëdhëniet SHBA-Turqi/ Urdhërarrest për ish-zv.kreun e CIA-s

4 Dhjetor 2017, 16:53, Aktualitet CNA

Tensionohen më tej marrëdhëniet Turqi ?ShBA. Kjo për arsyse se Turqia ka kërkuar arrestimin e ish zëvendës kreut të CIA ?s.

Ish-oficer i CIA-s, Graham Fuller, apo akuzohet nga se ka lidhje me klerikun mysliman, Fethullah Gulen, që jeton në SHBA dhe se ka tentuar të rrëzojë qeverinë turke.

Për këtë arsye Kryeprokurori në Turqi ka nxjerrë një fletarresti për Fuller.

Ky i fundit ka qenë zv.kryetar i Këshillit Kombëtar të Inteligjencës në SHBA.

Ndërkaq, Kleriku Gulen, i cili shihet nga zyrtarët në Turqi si autor i përpjekjes së dështuar për grusht shteti në korrikun e vitit 2016 i ka mohuar akuzat.

Kjo situatë ka sjellë tension në marrëdhënie diplomatike mes Turqisë dhe Shteteve të bashkuara.

Më herët, Turqia ka hedhur poshtë një raport se ish këshilltari i Shtëpisë së Bardhë, Michael Flynn, ishte pjesë e një komploti për të dërguar me forcë Gulen në Turqi, në këmbim të miliona dollarëve.

Në tetor, Uashingtoni dhe Ankaraja janë përfshirë në një debat në shkallë konsullatash, duke bllokuar reciprokisht shërbimin e vizave.

Deri më tani, më shumë se 50,000 njerëz janë arrestuar në Turqi apo janë në pritje të gjykimit për lidhje me Gulen.

Rreth 150 mijë të tjerë janë shkarkuar nga detyra në sektorë privatë e publikë, që nga përpjekja për grusht shteti në korrik, 2016. Që nga përpjekja për grusht shteti në vend, marrëdhëniet mes SHBA dhe Turqisë janë ftohur.

I pari që përgëzoi Presidentin turk, Recep Tayyip Erdogan, për bllokimin që i bëri grushtit të shtetit, ishte Presidenti rus, Vladimir Putin.

Ndërsa Erdogan tha se reagimi nga SHBA ishte shumë vonë dhe jo aq i fortë sa pritej. Marrëdhëniet janë ftohur më shumë gjatë muajve të fundit.

Të hënën e kaluar, një tregtar floriri turko-iranian tha në një Gjykatë amerikane se Presidenti turk, Erdogan, personalisht kishte aprovuar marrëveshjen e thyerjes së sanksioneve me Iranin.

Reza Zarrab është një dëshmitar kyç në një gjykim kriminal ndaj një bankieri të lartë turk, i cili pretendohet se ka punuar me të për të ndihmuar Iranin të pastrojë para. Presidenti Erdogan ka mohuar se Turqia i ka thyer sanksionet e SHBA me Iranin.