web counter
LEXO PA REKLAMA!

SHKARKO APP

App Store
Google Play

KShH –Prokurorisë/ Sqaroni zhdukjen e dosjeve të korrupsionit

4 Dhjetor 2017, 14:22, Aktualitet CNA

Zhdukja e tre dosjeve në Prokurorinë e Elbasanit ka alarmuar edhe Komitetin Shqiptar të Helsinkit.

Sipas KShH -së, nëse Prokurori do të gjejë elementë të dyshimit të arsyeshëm dhe të bazuar, gjatë hetimeve do të arrijë në përfundime të drejta dhe në kohën e përshtatshme do të informojë edhe opinionin publik, i cili është i interesuar për sqarimin sa më shpejt të kësaj çështjje

?Sipas njoftimeve në media, në datën 2 Dhjetor 2017, Prokurorja e Elbasanit, Armanda Xhaferri, pasi konstatoi se në zyrën e saj mungonin tre dosje penale në hetim, paraqiti denoncimin në organet e Policisë po të këtij qyteti, ndërsa për arsye të shqyrtimit objektiv të kësaj çështjeve materiali i ka kaluar për ndjekje Prokurorisë së Tiranës.

Komiteti Shqiptar i Helsinkit (KShH) nuk paragjykon vërtetësinë ose jo të këtij denoncimi dhe as rrethanat dhe motivet e paraqitjes së tij.

Këtë duhet ta shqyrtojë organi kompetent i ndjekjes penale (Prokuroria). Por pavarësisht nga kjo KShH mendon se çështja e denoncuar është e një rëndësie të veçantë, qoftë edhe vetëm për faktin se pretendohet për zhdukjen e tre dosjeve me akuza të rënda.

Veç kësaj nëse Prokurori do të gjejë elementë të dyshimit të arsyeshëm dhe të bazuar, gjatë hetimeve do të arrijë në përfundime të drejta dhe në kohën e përshtatshme do të informojë edhe opinionin publik, i cili është i interesuar për sqarimin sa më shpejt të çështjes të mësipërme.

E theksojmë këtë sidomos për faktin se kjo ndodh në një organ të rëndësishëm siç është Prokuroria e ngarkuar posaçërisht për sigurimin e materialeve hetimore dhe sekretin hetimor?, thuhet në njoftimin për media të KShH-së./CityNews





Lajmet e fundit nga