web counter
LEXO PA REKLAMA!

SHKARKO APP

App Store
Google Play

E fundit!

x

Dëbora, kryetari i bashkisë/ Qytetarët t’i dalin zot vetes

4 Dhjetor 2017, 13:57, Aktualitet CNA

Në Kukës, gjatë orëve të para të mëngjesit të sotëm ka pasur reshje dëbore mbi lartësinë 800 m ndërsa në qytet dhe fshatra përreth tij, reshje shiu por me intensitet të ulët.

Për shkak të reshjeve, kryetari i Bashkisë Kukës, Bashkim Shehu, mblodhi shtabin e emergjencave ku theksoi rëndësinë e bashkëpunimit mes strukturave të Emergjencave Civile, Policisë e Ushtrisë dhe Njësive Administrative për garantimin e mbajtjes hapur të rrugëve si dhe  të monitorimit dhe vlerësimit të situatës dimërore që mund të shfaqet në ditët në vazhdim.

?Në zonat e thella edhe qytetarët duhet të angazhohen bashkë me njësitë që t?i dalin zot vetes sepse që kur niset një buldozer dhe deri sa shkon në Lojme do tre orë. Situata paraqitet e mirë, edhe nga spitali, edhe nga policia dhe prefektin kam qenë në kontakt dhe gatishmëri. Nuk kemi pasur probleme? tha ai.

Ndërkaq, mësohet se energjia elektrike është rikthyer në pjesën dërmuese të fshatrave dhe po punohet për rikthimin e saj në zonat ku mungon. Mësimi ka rinisur  në të gjitha shkollat e Bashkise Kukës përjashtuar dy shkollave 9 vjeçare të fshatit Fshat dhe në Domaj ku mësimi është pezulluar për shkak të gjendjes fizike të objekteve.

Të gjitha shkollat dhe institucionet e arsimit parashkollor janë të furnizuara me dru zjarri e lëndë për ngrohje. Sipas informacioneve gjitha akset rrugore nacionale e rurale  janë të qarkullueshme./shqiptarja.com





Lajmet e fundit nga