web counter
LEXO PA REKLAMA!

SHKARKO APP

App Store
Google Play

E fundit!

x

Skandal në Prokurori/ Zhduken dosjet, Llalla, Kurum dhe Gjinari?

3 Dhjetor 2017, 14:51, Aktualitet CNA

Organi i akuzës është përfshirë nga skandali pas humbjes së tre dosjeve të korrupsionit, të denoncuar nga prokurorja Armanda Xhaferri.

Kjo e fundit është paraqitur pranë Drejtorisë së Policisë të Elbasanit, ku ka denoncuar zhdukjen e tre dosjeve për korrupsion nga zyrat e Prokurorisë së Elbasanit.

Paraprakisht dyshimet, sipas Policisë së Elbasanit, bien mbi punonjës të vetë prokurorisë së këtij rrethi, të cilët i kanë marrë dosjet pa dijeninë e prokurores.

Grupi hetimor, gjatë kqyrjes së vendit (zyrës), nuk ka konstatuar thyerje nga jashtë dhe ka dyshime se janë marrë nga punonjës të kësaj prokurorie, pa dijeninë e saj.

Po çfarë dosjesh po hetonte prokurorja Armanda Xhaferri?

Mësohet se kjo prokurore ka pasur tre dosje të rëndësishme, atë të biznesmenëve Llalla, të KURUM për pastrim parash dhe ndotje ajri, si dhe të rrugës së Gjinarit ku janë nën hetim ish drejtuesit e Autoritetit Rrugor Shqiptar.

Sipas Skandal portal, Prokurorja Armanda Xhaferri po drejtonte hetimet mbi shoqërinë Debit Collection, pronë e ortakëve Tomorr dhe Erion Llalla, të dyshuar për veprën penale të pastrimit të produkteve të veprës penale.

Të dy të dyshuarit nën hetim tregohen gjërësisht në Elbasan si të afërm të rrethit të parë të prokurorit të përgjithshëm Adriatik Llalla.

Ndërkohë, procedimi tjetër penal, për të cilin prokurores Armanda Xhaferri i është kërkuar dorëzimi i menjëhershëm i dosjes, ka të bëjë me abuzimet marramendëse të provuara në terren në ndertimin e rrugës Elbasan-Gjinar.

Kompania ndërtuese e kësaj rruge po hetohet rreth dyshimeve për vjedhje duke shpërdoruar detyrën dhe zyrtare të ARSH ?së po hetohen rreth dyshimeve për shpërdorim të detyrës lidhur me ndërtimin e kësaj rruge.

Një dosje tjetër ka të bëjë me hetimet ndaj kompanisë KURUM, ish administratorit dhe drejtorit më të madh në kompani, të dy të dyshuar për mashtrim dhe pastrim të produkteve të veprës penale.

Një çështje tjetër lidhet sërish me kompanine Kurum, nën dyshimet për ndotje masive të ajrit. Nën hetim janë vënë edhe drejtuesit e Inspektoriatit Mjedisor në Elbasan të përfshirë në një shpërdorim detyre në rastin në fjalë.





Lajmet e fundit nga