E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Rama braktis Vangjush Dakon/ Nuk i ngre as telefonin

3 Dhjetor 2017, 17:23, Aktualitet CNA

Vangjush Dako kryebashkiaku i Durrësit është përballur me shumë akuza, sidomos nga opozita. Por dhe nga shoqëria civile. Eshtë akuzuar se ka abuzuar me fondet publike, ka mbushur Durrësin me ndërtime jashtë sistemit, ku kanë qënë të involvuara dhe kompanitë e tij.

E kanë akuzuar se po prish tërë strukturën e qytetit bregdetar. Dhe akuza më e fortë ka qënë e opozitës, sipas të cilës Vangjush Dako është në përgjimet e EULEX duke bashkëpunuar me njerëz të krimit për të blerë dhe vjedhur votat e qytetarëve shqiptarë në zgjedhjet e 25 qershorit.

Akuza të opozitës që mund të merren me shumë rezerva jo vetëm sepse e ka konflikt interesi sepse humbi thellë në Durrës, por dhe sepse EULEX e përgënjeshtroi me gjysmë zëri përgjimin e pretenduar.

Por Vangjush Dako, dhe pa akuzat e opozitës është shfaqur si një kryebashkiak i korruptuar. Gjë që e ka evidentuar dhe ambasada amerikane, e cila ndonëse nuk e ka deklaruar, i ka revokuar vizën. Ndonëse Dako e ka mohuar publikisht këtë. Por Donald Lu deri më tani po bën ?xhiron? e tretë bashki më bashki në të gjithë Shqipërinë dhe vetëm në Durrës nuk shkon.

Tashmë se fundmi ka qënë Edi Rama, kryeministri i Shqipërisë ia ka hequr ?fishën? Vangjush Dakos. Burimet saktësojnë se Vangjush Dako, njeriu i cilësuar miku më i afërt i Edi Ramës i është refuzuar komunikimi nga Kryeministri.

Mësohet se Edi Rama as që ia hap telefonin Dakos. Dhe këtë e ka pranuar vetë Dako në ambiente të ngushta miqësore, duke kërkuar dhe arësyen se përse i ka ndodhur një abandonim i tillë nga Rama. Me sa duket Edi Rama s?është se s?ka informacion për dosjen e Dakos që gjendet tek amerikanët. Të cilët i hoqën vizën.

Dhe duke qënë se një njeri i korruptuar afër i prish shumë punë dhe i rrezikon pushtetin, Rama e ka shitur menjëherë kryebashkiakun e Durrësit. Duke e lënë atë në dorë të drejtësisë së re që pritet të implementohet së shpejti.

Por dhe përballë kundërshtarëve politike që duan ta ?hanë? të gjallë. Edi Rama shquhet për faktin se i shet bashkëpunëtorët kur i rrezikohet pushteti. Dhe këtë radhë po shet Dakon, ndoshta lirë fare./Pamfleti.com/