web counter
LEXO PA REKLAMA!

SHKARKO APP

App Store
Google Play

Drejtorët e LSI-së injorojnë thirrjen e Kryeministrit/ I binden urdhërave të Kryemadhit

3 Dhjetor 2017, 16:05, Aktualitet CNA

Megjithëse më shumë se një herë u është bërë thirrje të japin dorëheqjen pjesa dërmuese e drejtorëve të emëruar në kohën kur Ilir Meta ishte drejtues i LSI-së e kanë injoruar atë dhe vijojnë të qendrojnë ende në detyrat e larta drejtuese. Gjë që e ka detyruar kryeministrin Edi Rama ta përfshijë në axhendën e tij të veprimeve hartimin e një strategjie që të shkul përfundimisht nga struktura qeverisëse militantët e pabindur të LSI-së.

Faktin e denoncuar nga media e kanë pohuar edhe burimeve konfidenciale të CityNews, nga selia e PS-së por edhe të afërta me kabinetin Rama.

Sipas tyre shqetësimi për rezistencën e LSI-stëve është bërë preokupim madje edhe i strukturave të larta të PS-së, nisur nga fakti se, përjashtuar një pjese të vogël që iu bind  thirrjes së Kryeministrit për tu dorëhequr, pjesa më e madhe e kanë injoruar atë të stimuluar nga thirrja e kryetares Kryemadhi për të mos e ndërmarrë një akt të tillë.

Burimet konfidenciale të PS-së, të përforcuara edhe nga ato pranë kabinetit Rama thanë se, deri tani, vetëm rreth 10-15% e lësëistëve në pushtet kanë pranuar dorëheqjen. Një numër shumë i ulët janë shkarkuar dhe ndonëse gjatë dy javëve të fundit ka pasur takime intensive në bazë, sërish nuk është arritur të bëhet më shumë se kaq.

Burimet e sipërcituara raportojnë se rezultati dëshpërues i është bërë me dije Kryeministrit së bashku me një listë ku përfshihen më shumë se gjashtëdhjetë drejtorë të LSI që nuk pranojnë dorëheqjen.

Po i njejti informacion dhe e njejta listë i është përcjellë edhe ministrit të Ekonomisë dhe Financave, Arben Ahmetajt, i ngarkuar nga kryeministri Rama për të ndjekur procesin.

Drejtorët janë pjesë e strukturave administrative në qarkun e Beratit, e qarkut të Dibrës, të Matit, Kukësit, Durrësit, Elbasanit, por edhe Tiranës, etj./CityNews





Lajmet e fundit nga