web counter
LEXO PA REKLAMA!

SHKARKO APP

App Store
Google Play

E fundit!

x

Njihni pesë gjyqtarët dhe prokurorët me llogari bankare jashtë vendit (emrat)

29 Nëntor 2017, 10:19, Aktualitet CNA

Nga gjashtëdhjetë e tetë gjyqtarë dhe prokurorë të venë në sitën e institucioneve të kontrollit, deri tanim pesë prej tyre janë zbuluar se kanë llogari bankare jashtë vendit. Të dhenën e ka raportuar gazeta ?Sot?, që, duke ju referuar burimeve të ILDKP-së sjell detaje rreth faktit se si ka ndryshuar pasuria e tyre ndër vite.

Po ashtu gazeta ka arritur të mësojë se kush janë pesë gjyqtarët dhe prokurorët me llogari bankare jashtë vendit.

Njeri prej tyre është Gjin Gjoni, anëtar i KLD dhe gjykatës në Gjykatën e Apelit Tiran Tiranë, i cili ka deklaruar llogari bankare jashtë vendit përmbi 10 mijë euro.

Xhezair Zaganjori, kryetar i Gjykatës së Lartë, ka deklaruar llogari bankare në Gjermani mbi 13 mijë euro.

Brunilda Kadi, anëtare e KLD dhe kandidate për KLGJ, rezulton me llogari bankare në SHBA në emër të bashkëshortit. Po ashtu është dhe një tjetër gjyqtar në Gjykatën e Apelit, i cili ka në pronësi firmë ndërtimi që operon jashtë vendit dhe për këtë arsye do të verifikohen marrëdhëniet me jashtë.

Në fund është kryeprokurori Adriatik Llalla, bashkëshortja dhe fëmijët e të cilit për disa kohë kanë jetuar në Gjermani dhe duke qenë se ata janë pjesë e procesit të vetingut, verifikimet e pasurive të Llallës do të shtrihen edhe në Gjermani.

Për të realizuar një proces sa më të saktë përveç Komisionit të Kualifikimit në procesin e verifikimit të pasurive janë venë në lëvizje dhe përfaqësues të Operacionit Ndërkombëtar të Monitorimit, në bashkëpunim me agjenci të huaja ligjzbatuese. Këtë e konfirmojnë dhe burime nga prezenca e BE në Tiranë.

Dhe, ndërkohë që procesi vijon edhe për të tjerë gjyqtarë e prokurorë, mësohet se  javën e parë të dhjetorit gjashtëdhjetë e tetë emrat e .listuar do të thirren në seancën dëgjimore për të dhënë sqarime për çdo pasuri që ka pikëpyetje./CityNews





Lajmet e fundit nga