Kush është dhe si shpëtoi drejtori i policisë që kanabizoi Dibrën?

29 Nëntor 2017, 11:33, Aktualitet CNA

Viti 2016 është viti i asaj që mund të quhet Shqipëria e kanabizuar. Një vit ku Shqipëria u zhyt në pushtetin e drogës, kjo jo sipas deklaratave politike, por sipas raporteve ndërkombëtare.

U fol për një sasi droge të mbjellë, rreth 4 herë më shumë sesa buxheti i shtetit, për rreth 20 milion rrënjë, të cilat mbuluan Shqipërinë nga Shkodra në Vlorë, në Korçë, Dibër, Tepelenë dhe Sarandë, vetëm në Lazarat nuk kishte drogë.

Kryeministri Rama nuk e pranonte, as ish-ministri i tij i Brendshëm Saimir Tahiri, por çdo ditë mediat raportonin, jo parcela, por plantacione të tëra më droge, aq sa edhe vetë Saimir Tahiri u dorëzua dhe shkoi të korrte vetë një të tillë në praninë e një gazetari të huaj.

Raportet e SHISH, agjencive inteligjente të Greqisë, Italisë, Gjermanisë, por edhe të DEA-s implikuan Policinë e Shtetit, duke theksuar një përfshirje të gjerë të piramidës së kësaj policie në mbjelljen e drogës.

Me një të rënë të lapsit, pas shumë e shumë raporteve, Rama hoqi ministrin Saimir Tahiri dhe urdhëroi pasardhësin e tij Fatmir Xhafaj të shkarkonte të gjithë krerët e policisë në qarqe, ku shpëtuan vetëm dy.

Me 27 prill 2017 ikën 10 drejtorë dhe ngelen vetëm Perlat Vatoci në Kukës dhe Edmond Tarkaj në Dibër.

Ky i fundit, ishte emëruar drejtor i policisë së qarkut Dibër me 26 gusht 2015, dy vite pasi kishte mbajtur detyrën e drejtorit të policisë së qarkut të Korçës.

Tarkaj dhe Vatoci ishin dy pikat e ?ujit të ëmbël? në detin e ?kripur me drogë? në vitin 2016.

Edmond Tarkaj i shpëton ?furtunave? falë lidhjeve të tij politike të forta me socialistët.

Ndoshta është i vetmi drejtor policie nga ata që në 21 janar të 2011-ës ishin protestues dhe në atë kohë u dhunua nga policia. Ai ka lidhje shumë të forta me eksponentë kryesorë në PS, por nga ?furtuna? e shkarkimeve të Fatmir Xhafës e shpëtoi edhe fitorja e socialistëve në Dibër, në zgjedhjet e parakohshme të vitit 2016.

Në zgjedhjet e parakohshme, me 11 shtator 2016, kandidati i shumicës së majtë në garën për kreun e Bashkisë së Dibrës, Muharrem Rama, siguroi një fitore bindëse me 18597 (56.3%) vota ndaj rivalit të tij demokrat Sherefedin Shehu, i cili mori 14435 (43.7%)vota.

Kjo është fitorja më e thellë që e majta ka arritur në këtë zonë, e cila ndër vite konsiderohej një bastion i së djathtës, dhe pati deklarata e raporte të forta se në rezultat ndikoi droga, pasi shumë eksponentë të majtë dhe të djathtë e konstatuan këtë edhe në deklarimet e banorëve të zonës.

Shqipëria u mbulua me drogë, Dibra u mbulua me drogë në vitin 2016. Pikërisht në kohën kur kishte fushatë, në dhjetëra fshatra dhe zona malore u konstatua droga e mbjellë me ?bekimin? e Edmond Tarkaj.

A mundet të mbilleshin dhjetëra apo qindra hektarë drogë në Dibër pa e ditur Edmond Tarkaj, i cili shpesh raporton zyrtarisht se arreston furgona apo gomerë me dru? Pa folur për drogën e kapur prej tij, që kërkon të ?ikë pa leje? drejt Maqedonisë, ku me autorë dhe ku pa autorë.

Edmond Tarkaj u akuzua jo më shumë se dy ditë më parë nëpërmjet një fotoje nga një koleg i tij, Arben Hyseni, ish-drejtues i lartë i policisë, i cili tregoi një foto nga tunelet e drogës në fshatrat e Dibrës.

Akuzat e tij shkojnë direkt tek drejtori i policisë së qarkut, Edmond Tarkaj, si i përfshirë në mbjelljen dhe kultivimin e kanabisit në Dibër, duke çuar ?agronomë? nga Tepelena dhe Lazarati që shërbenin për mbjelljen e kanabisit.

Në vitin 2016, Tarkaj ishte drejtor i policisë së qarkut Dibër, raportet thonë se Dibra ishte plot me drogë, por ai nuk u largua nga detyra bashkë me kolegët e tij, ai qëndroi pas dhe kontributit të dhënë ndaj socialistëve në fitoren e Bashkisë së Dibrës.

Në prill të 2017-ës, ai e mundi raportin e drogës në Dibër, falë lidhjeve të tij të forta si militant socialist, si fitues në zgjedhjet lokale, por dhe ndoshta si kontrollor shumë i mirë i kufijve të drogës në Dibër.

Tarkaj është njeriu që prej më shumë se dy vitesh qëndron në krye të qarkut verlindor të Shqipërisë që u kanabizua njësoj si pjesa tjetër e Shqipërisë. Ai është ?kapur në flagrancë? bashkë me tepelenësit e tij që kanabizuan Dibrën në zgjedhjet lokale të 2016-ës.

Dy ditë më parë ndaj tij vjen një tjetër denoncim, raportet nuk e përjashtojnë Tarkajn, por ai ?shpëton?, vazhdon të drejtojë Dibrën, të cilën jo vetëm e mbuloi me drogë, por tashmë me kontributin e tij po helmohen fëmijët dhe të rinjtë dibranë me drogën e mbjellë me ?bekimin? e Edmond Tarkaj./ CityNews