web counter
LEXO PA REKLAMA!

SHKARKO APP

App Store
Google Play

E fundit!

x

Ish të përndjekurit politikë/ Tabaku dorëzon në Kuvend amendamentin

29 Nëntor 2017, 14:49, Aktualitet CNA

Në një postim në rrjetet sociale, deputetja e Partisë Demokratike, Jorida Tabaku, duke rikujtuar numrin dhe përsonat e përndjekur nga sistemi komunist, ka bërë të ditur gjithashtu se ka dërguar në Kuvend amendamentin për buxhetin e shtetit për rritjen e vlerës që do t?u shpërndahen ish të përndjekurve politikë dhe familjarëve të tyre.

Tabaku ka ngritur problemin se ritmi i qeverisë sonë për dëmshpërblimin e ish të përndjekurve politikë është shumë i ngadaltë dhe do duhen së paku 20 vite që ata të marrin atë që u takon.

?Ne 29 nentor nisi periudha me e erret e kombit shqiptar!

Sot, dorëzova në Kuvendin e Shqipërisë amendamentin për buxhetin e shtetit per rritjen e vlerës që shteti do t?i shpërndajë ish të përndjekurve politikë dhe familjarëve të tyre.

Dëmshpërblimi financiar është DETYRIMI që shteti dhe shoqëria i kanë kësaj shtrese të nëpërkëmbur dhe trajtuar në mënyrë ç?njerëzore nga regjimi i djeshëm por që fatkeqësisht ka marrë më pak këste dëmshpërblimi në këto katër vite.

Gjatë diktaturës komuniste mbi 59 mijë shqiptarë të internuar në kampet e internimit, 34.135 shqiptarë janë burgosur për shkaqe politike nga të cilët 984 janë vrarë apo kanë vdekur burgjeve. Qeveria shqiptare këto vite ka lënë në harresë krimet e diktaturës komuniste karshi 6027 të vrarëve nga ai regjim dhe 7022 shqiptarëve që kanë humbur jetën në kampet e përqendrimit apo të internimit nga puna e stërmundimshme, trajtimi kafshëror, mungesa e ushqimeve dhe dhuna ushtruar ndaj tyre.

Nga ritmet aktuale që qeveria po ndjek për dëmshpërblimin e kësaj klase ndaj të cilës ne duhet të përulemi në shenjë respekti, do të duhen 20 vite që ato apo fëmijët e tyre të gëzojnë dëmshpërblimin që u takon dhe që është detyrimi më minimal që ne kemi karshi tyre?. /CityNews





Lajmet e fundit nga