web counter
LEXO PA REKLAMA!

SHKARKO APP

Detajet nga aksidenti në Korçë/ Dy gardistë përfundojnë në spital

27 Nëntor 2017, 13:19, Aktualitet CNA

Dy makina të eskortës së Kryeministrit Edi Rama u përfshinë në një aksident mesditën e sotme, pranë fshatit Çiflig në hyrje të Korçës.

Autokolona e Kryeministrit po shoqërohej nga katër makina. Pas aksidentit kryeministri është larguar nga vendngjarja ndërsa sigurimi i tij personal dhe dhe drejtuesi i gardës kanë qëndruar në vendin e aksidentit.

Në aksident janë përfshirë katër makina, dy prej të cilave i përkasin eskortës së Kryeministrit Rama  dhe dy të tjera u përkasin qytetarëve.

Makinat  e përfshira në aksident janë  tip “Honday” me targa të Ministrisë së Brendshme dhe aksidenti mësohet se është shkaktuar për shkak të borës në rrugë.

Bëhet e ditur se dy punonjës të Gardës kanë mbetur të lënduar si dhe dy persona të tjerë të cilët ndodheshin në automjetin “Golf”.

Pesë të lënduarit janë transportuar me urgjencë për në spitalin rajonal të Korçës ku ndodhen në kujdesin intensiv të mjekëve. /CityNews





Lajmet e fundit nga