web counter
LEXO PA REKLAMA!

SHKARKO APP

App Store
Google Play

E fundit!

x

Debate në Komisionin Ekonomisë/ Kur s’ka drogë dhe krim, pse ia mbathën ish drejtorët e Policisë?

27 Nëntor 2017, 10:01, Aktualitet CNA

Çështja e pastrimit të parave, është  shndërruar në debat në Komisionin e Ekonomisë, ku po shqyrtohet nen për nen, projektligji për Buxhetin 2018.

Deputeti Demokrat Edmond Spaho ka debatuar  me kreun e Komisionit Ekonomik, Erion Braçe, pasi e ka cilësuar  projektbuxhetin në fjalë si fillimin e një faze për pastrimin dhe riciklimin e parave nga droga.

Sipas Spahos, paratë e fituara në mënyrë ilegale nga aktiviteti kriminal tashmë fillojnë orientohen drejt industrisë së hoteleve, të cilat janë biznese që ?lajnë? paratë.

?Nëse vendi deri më tani ka shkuar drejt kanabizimit, tani po kalojmë në fazën e pastrimit të parave të mbledhura nga kanabisi. Kur jemi në situata të tilla orientimi i parave shkon drejt industrisë së hotelerisë. Të gjitha vendet që kanë rënë pre e drogës kanë rënë pre e pastrimit të parave. Paraja e akumuluar nga kanabisi futet lehtësisht në kanalet zyrtare. Me ketë buxhet fillon faza e pastrimit dhe riciklimit të parave nga droga?? është shprehur kreu i grupit parlamentar të demokratëve, Edmond Spaho.

Por, Braçe e ka kundërshtuar, pasi sipas tij ky pretendim nuk qëndron.

 Por kundëprgjigja e Spahos ka qenë e mënjëhershme, pasi ka përdorur situatën aktuale, ku dyshohet  se në trafikun ndërkombëtar të narkotikëve janë përfshirë politikanë dhe zyrtarë të lartë të policisë.

?Kur ska drogë dhe krim pse ia mbathën ata tre drejtorët. Janë edhe tetë të tjerë që do ikin, në mos kanë ikur?, është shprehur Spaho./CityNews

 





Lajmet e fundit nga