web counter
LEXO PA REKLAMA!

SHKARKO APP

App Store
Google Play

E fundit!

x

Korça bashkon sot dy qeveritë/ Ja marrëveshjet që do nënshkruhen mes Kosovës dhe Shqipërisë

27 Nëntor 2017, 07:44, Aktualitet CNA

Qeveria e Kosovës dhe ajo e Shqipërisë do të mblidhen sot në qytetin e Korçës, në kuadër të festave të muajit nëntor, ku edhe pritet të firmosen disa marrëveshje.

Mbledhja e dy qeverive pritet të fillojë në orët e pasdites, saktësisht në ora 16:00, në Shtëpinë e Flamurit kurse në orën 17:00 do të bëhet edhe nënshkrimi i marrëveshjeve ndërqeveritare.

Më pas pritet që të dy kryeministrat, ai i Kosovës dhe ai i Shqipërisë të mbajnë një konferencë për media, e të përmbyllet me një darkë zyrtare.

Më poshtë mund të shihni memorandumet dhe marrëveshjet qe pritet të nënshkruhen sot:

-Memorandum e mirëkuptimit për bashkëpunim në fushën e politikës se jashtme.

Ky memorandum nënshkruhet nga ministri Punëve të Jashtme të Kosovës, Behgjet Pacolli dhe homologu i tij nga Shqipëria, Ditmir Bushati.

-Memorandum bashkëpunimi midis zyrës se kryeministrit të Shqipërisë dhe zyrës se kryeministrit të Kosovës për shkëmbimin e përvojave dhe bashkëpunimin për zbatimin e rregullimit më të mirë, vlerësimin e ndikimit dhe përmirësimin e praktikave të zhvillimit të politikave.

Ky memorandum nënshkruhet nga zëvendëskryeministri i Kosovës, Fatmir Limaj dhe ministrja e Drejtësisë, Etlida Gjonaj.

-Memorandum për bashkëpunimin në fushën e politikës së jashtme dhe marrëveshjen e bashkëpunimit në kuadër të bashkëpunimit në anëtarësimin evropian.

-Marrëveshje bashkëpunimi në fushën e diasporës.

Marrëveshja nënshkruhet nga ministri Dardan Gashi dhe ministri Pandeli Majko.

-Marrëveshje bashkëpunimi për qendrat kulturore në Diasporë.

Edhe kjo marrëveshje nënshkruhet nga ministrat Gashi e Majko..

-Marrëveshje për vërtetimin e periudhave të sigurimit për realizimin e të drejtës në pension. Kjo marrëveshje nënshkruhet nga ministri Skënder Reçica dhe ministri Arben Ahmetaj.

-Memorandumin e mirëkuptimit ndërmjet Agjencisë për Investime dhe Përkrahjen e ndërmarrjeve në Kosovë-KIESA dhe Agjencisë Shqiptarë të zhvillimit të Investimeve-AIDA.

Ky memorandum nënshkruhet nga ministri Bajram Hasani dhe ministri Arben Ahmetaj.

-Marrëveshje për financimin dhe organizimin e përbashkët të mësimit të gjuhës shqipe dhe kulturës shqiptare në Diasporë.

Marrëveshja nënshkruhet nga ministrja Lindita Nikolla dhe ministri Dardan Gashi.

-Memorandum bashkëpunimi mes MKRS-së dhe ministrisë së Kulturës të Shqipërisë.

Memorandumi nënshkruhet nga ministrat përkatës.

-Protokoll për bashkëpunim teknik dhe ekonomik në fushën e bujqësisë për njohjen bilaterale të certifikatave veterinare dhe produkteve me origjinë shtazore dhe jo shtazore.

Kjo marrëveshje nënshkruhet nga zv/ministri i Bujqësisë, Vesel Krasniqi dhe ministri I Bujqësisë dhe Zhvillimit Rural,Niko Peleshi.

-Memorandum mirëkuptimi për themelimin e bursës së përbashkët të energjisë elektrike të Kosovës dhe Shqipërisë.

Memorandumi nënshkruhet nga ministri Valdrin Lluka dhe zv/ministri i Infrastrukturës dhe Energjisë, Artan Shkreli./CityNews





Lajmet e fundit nga