web counter
LEXO PA REKLAMA!

SHKARKO APP

E fundit!

x

Zyrtari i Ministrisë së Tregtisë, në motel me automjetin zyrtarë

26 Nëntor 2017, 11:53, Aktualitet CNA

Mbrëmë një nga zyrtarët e shtetit ka shfrytëzuar veturën që paguhet me taksat e qytetarëve për të vizituar një motel në Malishevë.

Keqpërdorimi i automjeteve zyrtare tashmë është bërë e zakonshme, zyrtarë të ndryshëm janë parë duke i përdorur veturat e shtetit për shëtitje jashtë orarit të punës

Zyrtarë të Qeverisë së Kosovës kanë konfirmuar se vetura që ishte e parkuar para një moteli është e Ministrisë së Tregtisë dhe Industrisë.

Targat e veturës 3Z-118-15 janë të Ministrisë së Tregtisë dhe Industrisë.

Ende nuk po dihet nëse këtë veturë e drejton ndonjëri prej Zëvendësministrave apo këshilltarëve në këtë Ministri.

Ministri i Tregtisë dhe Industrisë, Bajram Hasani, ka thënë për Express se do duhet pak kohë për ta zbuluar se kush ishte shofer i veturës së MTI-së që ishte e parkuar para një moteli.

?Brenda pak kohësh e konfirmoj se kush ka qenë shoferi?, ka thënë Hasani

Ndërkohë, Kryeministri Ramush Haradinaj pati premtuar se do të marrë masa ndaj secilit që keqpërdorë veturat zyrtare.

 





Lajmet e fundit nga