E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

PD me Rezolutë, kundër dhunës në familje

26 Nëntor 2017, 11:06, Aktualitet CNA

Partia Demokratike kërkon mocion me debat për dhunën në familje. Deputetja Albana Vokshi ka zbardhur Rezolutën me të cilën i janë drejtuar Kuvendit.

Sipas saj, me propagandë, Qeveria po tenton të mbulojë dështimin spektakolar të saj për të mbrojtur gratë e fëmijët, pa kërkuar ndjesë se në 4 vite qeverisje nuk arritën të mbrojnë asnjë viktimë të dhunës në familje, një prej tyre edhe gjykatëse .

?Zyra e Ndihmës Ligjore në Ministrinë e Drejtësisë po bën një dekadë nga krijimi, por në Qeverinë Rama, mbrojtje ligjore nuk ju sigurohet grave viktima të dhunës por abuzuesve me pushtetin, të korruptuarve, trafikantëve. Qeveria ka dështuar të mbrojë fëmijët dhe gratë që trafikohen dhe shfrytëzohen prej 5 vitesh në fushat me kanabis dhe në landfillet e plehrave. Qeveria ka dështuar të bëjë të funksionojë Mekanizmin për Mbrojtjen e grave nga dhuna, sepse Policinë dhe institucionet i vuri në shërbim të trafikut të drogës dhe bandave kriminale?, ka shkruar Vokshi.

Rezoluta PD kërkon:

– Mbikëqyrje e fortë parlamentare dhe trajtim të denoncimeve për dhunën në familje;

– Brenda 15 ditëve Kuvendi krijon Komision të Posacëm për trajtimin ligjor të fenomenit;

– Brenda 60 ditëve qeveria të bëjë analizen, të paraqesë të dhënat, të krijojë rregjistrin kombëtar për dhunën në familje;

– Përcaktim me ligj të një strukture të vetme përgjegjëse me qëllim parandalimin e dhunës dhe garantimin e mbrojtjes së vimtimave;

– Përjashtim me ligj nga amnistia dhe nga rrethanat lehtësuese gjatë gjykimit për krimet në familje;

– Rishikim për masat mbrojtëse ndaj dhunës në familje për moslejimin e bashkëjetesës në një mjedis të dhunuesit dhe viktimës;

– ?Rishikimin e mekanizmave për mbrojtjen e viktimës dhe vënien në dispozicion të mjeteve të nevojshme për rastet e rrezikut për jetën, duke mirëpërcaktuar detyrimet e Policisë së Shtetit, përcaktimin e personave përgjegjës që marrin përsipër të mbajnë nën kontroll dhunuesin, si dhe aplikimin gjerësisht të mbikëqyrjes elektronike për rastin e dhunuesve brenda familjes

Këto, janë ditë reflektimi për gratë dhe vajzat për të shtuar aktivizimin në mbrojtje të të drejtave të tyre, familjes dhe fëmijeve të tyre./CityNews