E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Artur AJAZI/ Prokuroria vendos të rizgjohet, nis hetimin e dosjeve

26 Nëntor 2017, 11:14, Aktualitet CNA

?Çdo dosje e cila ka probleme me mbivendosjet dhe konfliktet e pronësisë, duhet të bllokohet dhe në qoftë se verifikohet me shkelje ligjore ti dërgohet organit të akuzës?. Kjo është qarkorja më e fundit e DPZRPP për të gjitha degët e ZRPP në rrethe pas zbulimeve të skandaleve nga KLSH. Asnjë nga qindra e qindra dosjet që presin të çertifikohen nuk do të pajisen me një dokumentacion të tillë. Një urdher të tillë ZRPP e Elbasanit e mbetur pa drejtor prej 4 muajsh,(pas shkarkimit nga Rama) e ka marrë nga DPZRPP dhe organi i akuzës, ndërkohë që ky i fundit ka nisur tashmë hetimet.

Gjithashtu kjo është vendosur nga qendra e cila ka porositur të gjithë drejtuesit e institucioneve vartëse për ?të bllokuar të gjitha dosjet problematike të cilat kanë mangësi ligjore, nisur nga puna e mangët dhe abuzimet e ish-krerëve të ZRPP?. Këto ditë hetuesit e organit të akuzës kanë ushtruar kontrolle në arkivat e ZRPP-ve në disa rrethe duke bllokuar dosjet me shkelje ligjore. Janë qindra dosje të tilla që prej vitesh pavarsisht se kanë qenë në fazën e hipotekimit, janë bllokuar, duke i hapur rrugën hetimit dhe më pas gjykimit të tyre. Skandali me trojet dhe pasuritë publike, duket se do të zgjerohet në Elbasan. Nga Prokuroria priten të tjera hetime por edhe arrestime, megjithë ndërhyrjet nga lart, për të mbuluar me ?pafajësi? emra të njohur të cilët janë fajtorë direkt në tjetërsimin dhe shitjen e tyre.

Në organin e akuzës si dhe gjykatën e Elbasan ndodhen me qindra e qindra denoncime dhe dosje të cilat presin të shqyrtohen , duke patur si subjekt hetimi dhe gjykimi mbivendosjet e pronave, rrëmbimin e tyre me vendime dhe letra të fallcifikuara. Por e vërteta është se deri sot në qeli ka përfunduar vetëm ndonjë sekser apo zyrtar i papërfillshëm, duke krijuar përshtypjen se, ?ai ka qenë i vetmi zhvatës i trojeve dhe pronave?. Nga burime të sigurta nga organi i akuzës mësohet se një prej sekserëve të arrestuar për herën e dytë brënda pak muajve është ?zbërthyer? dhe në dosjet e tij voluminoze janë renditur emrat e dy deputetëve, me të cilët dikur drekonin e darkonin bashkë, dhe që sot e kanë lënë atë brënda mureve të ftohta të qelive.

Fakti është se muajt e fundit drejt Tiranës në pothuajse të gjitha institucionet e larta të shtetit, janë nisur mijëra letra me denoncime për shkeljet me dosjet e pronave, ndërkohë që organi akuzës ka qenë neglizhent , dhe vetëm ditët e fundit ka nisur të rizgjohet dhe të nisë hetimet.