web counter
LEXO PA REKLAMA!

SHKARKO APP

App Store
Google Play

E fundit!

x

Toptani Shopping Center, qendra tregtare më e madhe në zemër të kryeqytetit, çel siparin e Uljeve të Nëntorit

25 Nëntor 2017, 15:47, Aktualitet CNA

Tiranë ? Qendra Tregtare Toptani, sipërmarrja më e re dhe e madhe në zemër të kryeqytetit, ka nisur sot zyrtarisht sezonin e uljeve të festave të Nëntorit. Nga data 25 deri më 29 Nëntor, konsumatorët e të gjitha grupmoshave do të kenë mundësi të përzgjedhin nga një larmishmëri produktesh në ofertë, në kategoritë e veshjeve dhe artikujve sportivë, shtëpisë dhe dekorit, dyqaneve të fëmijëve, gastronomisë, aksesorëve, përkujdesjes dhe bukurisë, me ulje deri në 50%.

Në një ambient komod dhe me hapësira të bollshme dhe në një lokacion përfekt në qendër të Tiranës, Toptani është zgjidhja dhe zgjedhja më konveniente për të gjithë konsumatorët të cilët duan të përfitojnë nga uljet në 90 dyqane të kategorive të ndryshme, në një distancë të afërt dhe lehtësisht të aksesueshme nga këmbësorët, pa patur nevojë për përdorimin e mjeteve.

Gjatë ditëve të festave të Nëntorit, qendra tregtare Toptani ka rezervuar edhe dhurata surprizë për vizitorët e të gjitha grupmoshave të cilat do të zbulohen në datat 28 dhe 29 Nëntor gjatë kalimit të kohës së lirë në qendër.

Gjithashtu, qendra Toptani ka lançuar së fundmi suksesshëm në treg, aplikacionin Toptani Shopping Center të cilin mund ta shkarkoni lehtësisht në Apple store dhe Google store. Me mbi 10,000 shkarkime në më pak se një muaj, aplikacioni sjell më pranë konsumatorin me produktet e qendrës nëpërmjet njoftimeve  të menjëhershme mbi ofertat, promocionet dhe hapjet më të reja në qendër duke lehtësuar përvojen e blerjeve në kohë dhe para. Deri tani 100 klientë kanë përfituar dhurata të ndryshme duke shkarkuar aplikacionin në telefonët e tyre. Se shpejti, aplikacioni Toptani Shopping Center do perditesohet me versionin e tij te ri i cili do të mundësojë integrimin e Kartës së Klientit për të gjithë konsumatorët e qendrës.

Qendra Tregtare Toptani, është një investim i kompanise Gener 2 njëherazi dhe një nga sipërmarrjet më të mëdha në vend në fushën e ndërtimit dhe infrastrukturës me mbi 1,000 të punësuar. Qendra është e organizuar në 8 kate retail, 90 dyqane dhe hapësira argëtimi për fëmijë e të rritur, bare dhe restorante, 4 kate parkim nëntokësor me 600 poste parkimi, të gjitha të shtrira në një sipërfaqe 61,000 m2.

Ndërtesa është e dallueshme dhe unike në rajon për nga cilësia, origjinaliteti dhe dizajni ergonomik i projektit, konceptuar nga arkitekti i famshëm hollandez Winy Maas dhe studio MVRDV/ CityNews

Për më shumë informacion: [email protected]

Për më shumë rreth Qendrës Tregtare Toptani: www.toptani.com.al





Lajmet e fundit nga