E fundit!

11:24 Aktualitet

Bordi i Transparencës merr vendimin/ Ja çmimet e reja për karburantet

Bordi i Transparencës ka njoftuar se çmimi i shitjes me pa...

100-vjetori i strehës së parë vorfnore/ Manastirliu: Zgjerojmë shërbimet alternative për fëmijët e braktisur

25 Nëntor 2017, 13:50, Aktualitet CNA

Në një atmosferë festive, mes fëmijëve të Shtëpisë së Fëmijës ?Zyber Hallullit?, ish-banorëve të kësaj shtëpie dhe personaliteteve të ftuar, u zhvillua sot ceremonia e 100 vjetorit të strehës së parë vorfnore.

?Kjo qendër, e nisur si Strehë Vorfnore plot një shekull më parë, nga kryetari i parë i Bashkisë Tiranës, Zyber Halluli, është një nga ato prova të rralla, por me një forcë të madhe shprehëse, të një fakti: Veprat e mira i rezistojnë kohërave. Ajo mbeti, ashtu siç nisi, një vatër e ngrohtë për fëmijët jetimë, të braktisur, ata në nevojë dhe pa përkrahje. Sot është një Shtëpi model i përkujdesjes, duke mos ofruar vetëm nevojat bazike, por duke nxjerrë, në shumë raste, burra dhe gra që kur kanë dalë në jetë, kanë bërë të krenohen institucionin dhe njerëzit e kanë çuar përpara misionin e tij. ?, u shpreh Ministrja e Shëndetësisë dhe Mbrojtjes Sociale, znj. Ogerta Manastirliu gjatë kësaj ceremonie.

?Zyber Hallulli? është tashmë një qendër model shërbimesh për 30 fëmijë që jetojnë në këtë shtëpi-familje, një model ku fëmija gëzon pavarësinë e tij, fëmija ndjen të vlerësohet dhe ku, dinjiteti dhe e drejta e tij e vetëveprimit, janë të paprekshme.

?Sfida jonë tashmë është që institucionet rezidenciale të shndërrohen në Qendra Polivalente Tranzitore, ku fëmija qëndron sa më pak të jetë e mundur në një situatë rezidenciale, për t’i siguruar kthimi në familjen biologjike, në rastin më të mirë, apo gjetjen e një familje alternative, që i zëvendëson atë biologjike?, u shpreh Ministrja Manastirliu.

Politikat e qeverisë janë të orientuara drejt deinstucionalizimit të shërbimeve sociale, një politikë që tenton largimin gjithnjë e më shumë të fëmijës nga shërbimi rezidencial, në shërbimin alternativ, i cili përafrohet me kushtet e familjes normale.

Në ceremoninë e 100 vjetorit përshëndeti edhe mbesa e Zyber Hallullit, themeluesit të strehës së parë vorfnore. Ndërsa fëmijët e qendrës kishin përgatitur një program festiv.

Streha Vorfnore u ngrit në nëntor të 1917-ës, me synim për të mbrojtur më të dobëtit, më të pambrojturit, fëmijët e braktisur dhe më të varfërit./ CityNews