web counter
LEXO PA REKLAMA!

SHKARKO APP

App Store
Google Play

Përurohet shtatorja e Nënë Terezës në Kroaci/ Meta: Nga sot shqiptarët më të fortë

23 Nëntor 2017, 15:27, Aktualitet CNA

Presidenti i Republikës Ilir Meta, zhvilloi një vizitë zyrtare në Kroaci, me rastin e përurimit të bustit të shenjtores Nënë Tereza.

Në këtë vizitë, kreu i shtetit shoqërohej nga Kardinali Ernest Simoni (Troshani), Kryetari i Kuvendit të Maqedonisë, Talat Xhaferri, ish-Presidenti i Kroacisë, Stjepan Mesi, Kryegjyshi Botëror i Bektashinjëve, Baba Edmond Brahimaj dhe personalitete të tjera të shquara nga trevat shqiptare.

Shtatorja e përuruar ka për autor Anto Jurkin, të realizuar nga Kryetari i Këshillit organizativ Idriz Sulejmani dhe mbarë bashkësia shqiptare në bashkëpunim me Bashkinë e Poreçit

Gjatë vizitës në Kroaci Meta u shpreh ndihet i nderuar që merrte pjesë në përurimin e shtatores së Nënë Terezës, ndërsa e quajti Kroacinë si vend mik të Shqipërisë.

?Jam i nderuar që sot, së bashku me ju, po marr pjesë në përurimin e shtatores së Shën Nënë Terezës, këtu në Poreç të Kroacisë.

Kroacia, ky vend mik i shqiptarëve, çdoherë ka treguar mikpritje të mrekullueshme për ne. Lidhjet tona miqësore dhe vëllazërorë me kroatët janë shekullore, janë lidhje gjaku dhe shpirti, të cilat i vazhdoj kryetrimi ynë Skënderbeu me Raguzën e dikurshme e Dubrovnikun e sotëm, por, janë edhe ura jonë lidhëse shpirtërore Arbanasit e Zarës dhe diaspora jonë nga të gjitha trojet shqiptare që jeton në Kroaci.”, – u shpreh Meta, ndërsa shtoi se “Nga sot, lidhja e shqiptarëve me Kroacinë do të jetë edhe më e fortë, edhe më shpirtërore, sepse Poreçi, ky qytet i bukur do të ketë në gjirin e vet, si simbol të paqes, humanizmit, dashurisë, lidhjes dhe miqësisë, shtatoren e Shën Nënë Terezës.” /CityNews





Lajmet e fundit nga