"Nuk keni parë gjë akoma"/ Kryemadhi heq paralele me '97-ën

21 Nëntor 2017, 17:58, Aktualitet CNA

Kryetarja e Lëvizjes Socialiste për Inegrim, Monika Kryemadhi ishte e ftuar në studion e lajmeve të “SYRI.net”, ku ka komentuar situatën aktuale politike në vend.

Sipas Kryemadhit, vota e shqiptarëve është deformuar nga Edi Rama, dhe ky i fundit është i rënë moralisht dhe politikisht, por sipas saj e mbajnë në këmbë institucionet.

Ajo tha se Rama nuk kontrollon asgjë, por është krimi ai që e kontrollon kreun e qeverisë. Sipas saj Kryeministri është telekomanda apo një instrument në dorën e krimit, që përdor institucionet për të arritur qëllimin e bandave.

Unë mendoj që Rama pas rezultatit të 25 Qershorit, ku deformoi totalisht votën e shqiptarëve, mendoj që e gjithë kusia, kazani, tepsia, timoni të gjitha i kishte vetë në dorë. Mendoj që do mund të bënte çfarë të donte dhe faktikisht drejt asaj rruge ishte. Ishte një strategji që e ndërtoi prej kohësh. Mendoi që të administronte totalisht një gjë të tillë. Në fakt ka ndodhur e kundërta, pavarsisht që ai mendon se është i forte, ai sot nuk është kryeministër i Shqipërisë. Është i rënë politikisht, moralisht por qëndron vetëm për shkak të institucioneve, por institucionet shtetërore institucione të cilat janë të paralizuara. Në mënyrë të tillë i bën të pamundur veprimtarinë e një shteti funksional dhe demokratik dhe kjo vjen për shkak të këtij sistemi që ai ka ndërtuar, duke menduar që do të kontrollonte çdo gjë. Faktikisht Rama nuk kontrollon asgjë, por Rama kontrollohet nga krimi i organizuar. Unë e kam thënë dhe e ripërsëris që është telekomanda, një instrument në dorën e krimit të organizuar, i cili përdor institucionet shqiptare për të arritur qëllimin e tyre.”, – tha ndër të tjera Kryemadhi.

Teksa komentoi shprehjen e përdorur nga kryeministri Rama “nuk keni parë gjë akoma”, Kryemadhi tha:

“…faktikisht, ajo që dua të them që ai nuk ka parë gjë akoma , është e vërtet që nuk ka parë gjë akoma, sepse për herë të parë në historinë e pluralizmit demokratik në Shqipëri, vetëm po të themi me zgjedhjet e ?96, do të kemi një situatë të tillë që shumë shpejt ndodhi, por pas zgjedhjeve të ?96 ndodhën ngjarjet e ?97 të cilët sollën një situatë jo normale dhe shumë të dhimbshme për shqiptarët. Kemi po përsëri një situatë politike tashmë që menjëherë pas 6 javëve të sesionit të ri parlamentar dhe të legjislaturës së re parlamentare ne shikojmë që kemi një qeveri të destabilizuar, një parlament të destabilizuar, të izoluar.”