web counter
LEXO PA REKLAMA!

SHKARKO APP

App Store
Google Play

E fundit!

x

Një histori e jetuar/ Mali që bëri të pasur Aliun (Liken)

21 Nëntor 2017, 16:23, Aktualitet CNA

Nga ARTUR  AJAZI

Afro 30 vjet më parë, në fshatin e babait tim, diku  në juglindje të Shqipërisë, jetonte mes malesh Aliu (Likja), një djalosh rreth të 30-tave, që merrej prej vitesh me blegtori, madje me gjysh e katragjyshi. Aliu (Likja) ishte djalë i vetëm i tre motrave, dhe kishte mbaruar vetëm 7 klasë shkollë. Ndryshimi sistemit politik, e zuri Aliun (Liken) në një moshë të re, ku kishte rastin dhe shansin të ikte nga fshati, të linte kërrabën dhe bagëtinë, dhe të vendosej diku më lart, atje ku bëhej jeta, paraja, biznesi, në rrethinat e Durrësit apo Tiranës. Dhe ashtu bëri, bashkë me familjen e tij, ai fillimisht  u vendos në ish-Kënetën e Durrësit dhe pas 2-3 vitesh me oreks të hapur tashmë, u vendos në Tiranë.

Aliu (Likja) shiti të gjitha çfarë kishte në fshat, bagëti, shtëpi, mushka, pela, kuaj e gomerë, dhe vendosi të merrej  fillimisht  me tregëti,  por duke parë çfarë ndodhte në kryeqytet, mëndja i thoshte të merrej edhe me politikë. Kjo e fundit nisi shumë shpejt ta tundonte Aliun (Liken)  i cili u interesua me anë të disa miqve të babait dhe kunatit të tij, dhe shumë shpejt do të bëhej anëtar i një partie e cila ishte pothuajse në pragun e pushtetit në ato vite. Aliu (Likja)  kishte  afro 7-8  vjet që ishte vendosur në Tiranë, kishte edhe një teserë partie, kishte ngritur  edhe një biznes frutash dhe perimesh, ndërkohë që ishte në kërkim edhe të një gruaje, se kishte ardhur në moshë.

Dhe shansi i erdhi, kur gjatë një takimi elektoral kryetari partisë, e prezanton Liken me një vajzë të re, e cila ishte militante  e hershme. Pas shtërngimit  të duarve ditën e parë, erdhën të tjera takime në kafene, në zyra elektorale, dhe shumë shpejt miqësia e tyre u kthye në dashuri interesash. Aliu (Likja) tashmë ishte bërë dikushi në partinë e tij, ishte edhe martuar me vajzën që njohu në gjirin e partisë, por kokën e kishte sërish mbrapa. E kishte nga fshati, nga fushat dhe mali, pasi biznesi kërkonte zgjerim,  familja kërkonte para më shumë, oreksi i ishte hapur goxha. Një mbrëmje teksa ishin duke darkuar me kryetarin e partisë (që pas fitores ishte bërë kryeministër i vendit,  Aliut (Likes) i lindi  një mendim, dhe nuk duroi por ja plasi në tavolinë ?kryetar unë kam nevojë për ndihmën tuaj, dua të ngre në fshatin tim, rrëzë  malit  një gurore, një gurore e cila do ti shërbejë fshatit, zonës, vendit?.

Përgjigja ishte natyrisht pozitive. Por kureshtja e kryetarit të partisë  dhe kryeministrit  njëherësh ishte se ?çfarë do ti bësh malit o Ali (Like)  do ta gërresh edhe atë  pjesë-pjesë?. Përgjigja e Likes ishte si nën zë, si nëpër dhëmbë, por nuk zgjati shumë dhe Aliu (Likja) transportoi drejt  fshatit të lindjes brigadën e parë me punëtorë, të cilën kryen rrethimin e zonës, vunë piketat rrëzë malit, dhe pas tyre ja befën edhe makineritë e blera  diku në Kinën e largët. Fillimisht banorët e mbetur të fshatit të Likes u ngazëllyen, dhe e duartrokitën ardhjen e birit të tyre,  por kur ata panë dhe dëgjuan si gjëmonin pajisjet dhe dinamiti për të shkallmuar malin, u tmerruan  dhe kërkuan largimin e punëtorëve. Kishte kaluar 1 vit dhe gjithçka në malin rrëzë fshatit  të Aliut (Likes), ishte kthyer në gërrmadhë, mbi gjysma e fshatit ishte larguar, dhe atje s`kishin mbetur as 15 familje, të cilat nuk kishin mundësi financiare të blinin shtëpi në qytet apo larg  tij në Durrës apo Tiranë. Dhe biri i tyre,  e gjeti ?shpëtimin?.

Gjatë një vizite ?kortezie? në festën e fshatit, Aliu (Likja) u propozoi familjeve të mbetura atje se ?do tu siguronte kredi të buta për të blerë shtëpi në dy pallatet e ndertuara në Spitallë të Durrësit  nga një miku i tij?. Pothuajse shumica e tyre e hëngri ?karremin?  dhe shitën bagëti e çfarë kishin në fshat, dhe ngritën plaçkat e u nisën drejt  Spitallës  së Durrësit, ku menduan se do të gjenin parajsën, nga ku fillimisht firmosën në kohë rekord  kredinë e siguruar nga bashkëfshatari tyre Aliu (Likja), duke bërë të mundur blerjen e apartamentit. Dhe nuk kishte se si të ndodhte ndryshe, pasi ata u zhgënjyen pa kaluar 6 muajt e parë në ?apartamentin? e mikut që i propozoi patrioti i tyre,  pasi pamundësia e larjes së këstit të kredisë i vuri ata para një përgjegjësie të madhe, nga e cila rrezikojnë edhe sot e kësaj dite të dalin jashtë në rrugën e madhe. Por Aliu (Likja) nuk donte tja dinte  më për ata hallexhinj, ai kishte hapur jo 1 por plot 10 gurore në zonën ku shtrihej fshati tij dhe fshatrat e tjera aty pranë.

Aliu (Likja)  ishte bërë i pasur, madje kishte marrë edhe poste drejtuese në parti. Guroret e tij,  punonin ditën dhe natën, ndërkohë që bizneset ai i kishte kaluar nën emra të tjerë, si nën emrin e babait, motrave, kunatit,  sepse tashmë ai kishte ndryshuar edhe look-un e tij, ishte bërë më elegant, rrinte vazhdimisht me kostum dhe kollare, bënte takime pune dhe partie në hotelet e shtrenjta të Tiranës, kishte nisur të tjera biznese që i realizonte përmes një rruge tjetër, politikës. Thuhej se Aliu (Likja) kishte nisur të kishte miq të ngushtë  biznesi edhe nga opozita. Kurse guroret, punonin, gërrmonin, sharronin, ngarkonin, dhe shisnin gurët e përpunuar jo më në tregun vendas, por jashtë shtetit deri me Kinën e largët.

Malit  të fshatit  po i vinte fundi, por paçka se male kishte edhe shumë të tjerë rreth tij. Aliu (Likja)  ishte lidhur me firma dhe kompani të huaja, ku fama e guroreve të tij, kishte shkuar deri në Azi e Australi. Por Aliu (Likja)  nuk fryhej me para, nuk fryhej me biznese, nuk fryhej me poste dhe ofiqe, dhe së fundi ju lut kryetarit  të partisë ta bënte më të rëndësishmin e  partisë. Madje për këtë i premtoi ?besnikëri deri në fund? në rast se ai do të bëhej ?excellence? dhe pas saj nuk do të donte asgjë tjetër. Edhe sot e kësaj dite babai im thotë ?u mbars mali dhe polli një Ali, një Like që ka vandosur ta sheshojë nga themelet jo vetëm fshatin e tij, por edhe malin, atë bukuri natyre, vetëm e vetëm për të mbushur edhe hauret e banesës tij  me para?.





Lajmet e fundit nga